കൊച്ചി: ജന്മഭൂമിയും വിജ്ഞാന് ഭാരതിയുടെ സയന്സ് ഇന്ത്യാ മാഗസിനും സംയുക്തമായി സംഘടിപ്പിച്ച സ്റ്റുഡന്റ്സ് സയന്സ് ഫെസ്റ്റിവല് ഓഫ് കേരള(എസ്എസ്എഫ്കെ)യുടെ വിജയികളെ പ്രഖ്യാപിച്ചു.
ബിരുദതലത്തില് കോതമംഗലം എംഎ കോളേജ്; ഹയര് സെക്കന്ഡറി വിഭാഗത്തില് കായംകുളം കൃഷ്ണപുരം വിഎംഎച്ച്എസ്എസ്, നെടുമ്പാശേരി മോഡല് ടെക്നിക്കല് എച്ച്എസ്എസ്, വൈറ്റില ടോക്എച്ച് പബ്ലിക് സ്കൂള്; ഹൈസ്കൂള് വിഭാഗത്തില് കടയിരുപ്പ് സെന്റ് പീറ്റേഴ്സ് സീനിയര് സെക്കന്ഡറി സ്കൂള്, പെരുമ്പാവൂര് വ്യാസ വിദ്യാനികേതന്, കോതമംഗലം എംഎ ഇന്റര്നാഷണല് സ്കൂള് എന്നിവ സംസ്ഥാന തലത്തിലേക്ക് അര്ഹത നേടി.
വിവിധ വിഷയങ്ങളിലായി, ആരോഗ്യം-എളമക്കര സരസ്വതി വിദ്യാനികേതന്; ഊര്ജ്ജം-പുല്ലംകുളം എസ്എന് എച്ച്എസ്എസ്; പരിസ്ഥിതി-മൂവാറ്റുപുഴ സെന്റ് അഗസ്റ്റ്യന്സ് ജിഎച്ച്എസ്എസ്; കാര്ഷികം-തോട്ടുമുഖം ക്രൈസ്തവ മഹിളാലയം; ഐടി-കളമശ്ശേരി രാജഗിരി പബ്ലിക് സ്കൂള് എന്നിവരും സംസ്ഥാനതല മത്സരത്തിന് അര്ഹത നേടി. വിജയികളായ സ്കൂളുകള്ക്ക് 25,000 രൂപയും പ്രശസ്തിപത്രവും അവരവരുടെ സ്കൂളുകളില് നടക്കുന്ന ചടങ്ങില് കൈമാറും.
സിഎംഎഫ്ആര്ഐ മുന് ഡയറക്ടര് ഡോ.എന്.ജി.കെ. പിള്ള, ചുങ്കത്തറ മര്ത്തോമ കോളേജിലെ അസോസിയേറ്റ് പ്രൊഫസര് ഡോ. ജയപ്രകാശ്, റിട്ട. ഡിഡിഇ ഡോ. ഉഷ കിരണ്, കലൂര് എസിഎസ് സ്കൂളിലെ അധ്യാപിക ഡോ. ലിന്സി എന്നിവരാണ് മികച്ച ടീമുകളെ തെരഞ്ഞെടുത്തത്.
കളമശ്ശേരി രാജഗിരി പബ്ലിക് സ്കൂള് ഓഡിറ്റോറിയത്തില് രണ്ടു ദിവസമായി നടന്ന ശാസ്ത്രമേളയുടെ സമാപനസമ്മേളനത്തില് ഡോ.എന്. ജി.കെ. പിള്ള മുഖ്യാതിഥിയായി. കുട്ടികളുടെ ലക്ഷ്യബോധം വളര്ത്തിയെടുക്കുന്നതിന് ഇത്തരത്തിലുള്ള മേളകള് പ്രയോജനപ്പെടുമെന്ന് അദ്ദേഹം പറഞ്ഞു.
ശാസ്ത്രത്തിന്റെ അനന്തസാധ്യതകള് രാഷ്ട്രത്തിന്റെ പുരോഗതിക്ക് വേണ്ടി നടപ്പാക്കണമെന്ന ചിന്താഗതിയാണ് ശാസ്ത്രമേളകള് സംഘടിപ്പിക്കുന്നതിന്റെ ആധാരമെന്ന് അധ്യക്ഷ പ്രസംഗത്തില് ഡോ. ജയപ്രകാശ് പറഞ്ഞു. മേളയിലുള്ള ഓരോ കണ്ടുപിടിത്തവും സ്റ്റാര്ട്ട് അപ്പ് പ്രോഗ്രാമുകളാക്കാം. പുതിയ തലമുറയിലെ ശാസ്ത്രകൗതുകം മനസിലാക്കി, രാജ്യത്തെ പുരോഗതിയിലെത്തിക്കുകയാണ് ഇതിന്റെ ലക്ഷ്യമെന്നും അദ്ദേഹം കൂട്ടിച്ചേര്ത്തു.
ബിരുദം, ഹയര് സെക്കന്ഡറി വിഭാഗത്തില് പങ്കെടുത്ത കുട്ടികള്ക്ക് ജന്മഭൂമി മാനേജിങ് എഡിറ്റര് കെ.ആര്. ഉമാകാന്തനും ജൂനിയര് വിഭാഗത്തിന് ഡോ. ഉഷാ കിരണും സര്ട്ടിഫിക്കറ്റ് വിതരണം ചെയ്തു. എസ്എസ്എഫ്കെ ദേശീയ കോ-ഓര്ഡിനേറ്റര് അശോക് കുറുപ്പ്, ജന്മഭൂമി ഡെപ്യൂട്ടി ജനറല് മാനേജര് കെ.എം. ശ്രീദാസ്, എസ്എസ്എഫ്കെ ദക്ഷിണ മേഖല ഓര്ഗനൈസിങ് സെക്രട്ടറി വിവേകാനന്ദ പൈ, ജന്മഭൂമി കൊച്ചി യൂണിറ്റ് മാനേജര് കെ.കെ. നവീന്, ഡെവലപ്മെന്റ് മാനേജര് രാജീവ് നാരായണന് എന്നിവരും സമാപന സമ്മേളനത്തില് പങ്കെടുത്തു.
പ്രതികരിക്കാൻ ഇവിടെ എഴുതുക: