ചക്കുളത്തുകാവ്: ശബരിമല അയ്യപ്പ സേവാ സമാജത്തിന്റെ ആഭിമുഖ്യത്തില് നടന്ന അയ്യപ്പ മഹാസംഗമം നടന്നു. രണ്ടായിരത്തിലധികം അയ്യപ്പഭക്തരാണ് ഇന്നലെ ചക്കുളത്തുകാവ് ദേവീക്ഷേത്ര ഓഡിറ്റോറിയത്തില് നടന്ന മഹാസംഗമത്തില് പങ്കെടുത്തത്.
രാവിലെ 8.30ന് ധ്വജാരോഹണ ചടങ്ങുകള് നടന്നു. സംഗമം തിരുവിതാംകൂര് ദേവസ്വം ബോര്ഡ് പ്രസിഡന്റ് പ്രയാര് ഗോപാലകൃഷ്ണന് ഭദ്രദീപം കൊളുത്തി ഉദ്ഘാടനം ചെയ്തു. കോഴിക്കോട് കുളത്തൂര് അദ്വൈതാശ്രമം മഠാധിപതി ചിദാനന്ദപുരി സ്വാമി മുഖ്യപ്രഭാഷണം നടത്തി.
അയ്യപ്പസേവാസമാജം പ്രസിഡന്റ് കെ.ജി. ജയന്(ജയവിജയ) അദ്ധ്യക്ഷനായി. ആര്എസ്എസ് പ്രാന്ത സംഘചാലക് പി.ഇ.ബി. മേനോന് അന്നദാന കേന്ദ്രങ്ങളുടെ ഉദ്ഘാടനം നിര്വ്വഹിച്ചു.
വൃശ്ചികം ഒന്ന് വൃക്ഷം ഒന്ന് എന്ന പദ്ധതി ആര്.കെ. ദാമോദരനും, ഭവനം ഒരു പൂങ്കാവനം പദ്ധതി ബിജെപി സംസ്ഥാന അദ്ധ്യക്ഷന് കുമ്മനം രാജശേഖരനും ഉദ്ഘാടനം ചെയ്തു. സ്വാമിനി ഭവ്യാമൃത ചൈതന്യ, ദര്ശനാനന്ദജി സ്വാമി എന്നിവര് അനുഗ്രഹ പ്രഭാഷണം നടത്തി. സ്വാഗതസംഘം ചെയര്മാന് അക്കീരമണ് കാളിദാസഭട്ടതരിപ്പാട്, കളത്തില് ചന്ദ്രശേഖരന്നായര്, പന്തളംരാജപ്രതിനിധി ശശികുമാരവര്മ്മ രാജ, ഹിന്ദുഐക്യവേദി സംസ്ഥാന ജനറല് സെക്രട്ടറി ഇ.എസ് ബിജു, വിഎച്ച്പി സംഘടനാ സെക്രട്ടറി എം.സി.വത്സന്, സ്വാമി ദര്ശനാനന്ദജി, അയ്യപ്പസമാജം ദേശീയ ഉപാദ്ധ്യക്ഷന് അയ്യപ്പദാസ്, എം.കെ. അരവിന്ദാക്ഷന്, വി.കെ.വിശ്വനാഥന്, വിനോദ്, കെ.ജി. കര്ത്ത എന്നിവര് സംസാരിച്ചു.
ഉച്ചയ്ക്ക് ഒന്നിന് സംഘടനാ സമ്മേളനം നടന്നു. ശബരിമല അയ്യപ്പസേവാസമാജം ദേശീയസംഘടനാ സെക്രട്ടറി വി.കെ. വിശ്വനാഥന്, അയ്യപ്പസേവാ സമാജം ദേശിയ വൈസ് പ്രസിഡന്റ് സ്വാമി അയ്യപ്പദാസ്, സ്വാഗതസംഘം ജനറല് കണ്വീനര് എന്.ജി. രവീന്ദ്രന്, സംസ്ഥാന സമിതിയംഗം അമ്പോറ്റി കോഴഞ്ചേരി എന്നിവര് പങ്കെടുത്തു.
ഹരിവരാസനം എഴുതിയ കോനകത്ത് ജാനകിയമ്മയുടെ മകള് ബാലാമണിയമ്മയെ ചടങ്ങില് ആദരിച്ചു
പ്രതികരിക്കാൻ ഇവിടെ എഴുതുക: