ആറ്റിങ്ങല് : ഡയറ്റിലും ടൗണ് യുപിഎസിലും നടന്ന ആറ്റിങ്ങല് സബ്ജില്ലാ ശാസ്ത്രമേളയില് അഭിമാനാര്ഹമായ നേട്ടം കരസ്ഥമാക്കി ആറ്റിങ്ങല് ഗവ.ഗേള്സ് ഹയര്സെക്കന്ററി സ്കൂള്. ഹയര് സെക്കന്ററി വിഭാഗം പ്രദര്ശന മത്സരം, യു പി, ഹൈസ്കൂള്, ഹയര് സെക്കന്ററി വിഭാഗം തത്സമയ മത്സരങ്ങള്ക്ക് ഓവറോള് ചാമ്പ്യന്ഷിപ്പ് നേടി ഗേള്സ് സ്കൂള് പ്രവൃത്തി പരിചയമേളകളില് ആധിപത്യം പുലര്ത്തി. 19 ഒന്നാം സ്ഥാനങ്ങളും 11 രണ്ടാം സ്ഥാനങ്ങളും ഉള്പ്പെടെ പങ്കെടുത്ത 50 ഇനങ്ങളിലും ഗേള്സിലെ ചുണക്കുട്ടികള് എ ഗ്രേഡ് കരസ്ഥമാക്കി. അധ്യാപകരുടെ അര്പ്പണബോധവും കുട്ടികളുടെ കഠിനാധ്വാനവും കൊണ്ട് ഹൈസ്കൂള് വിഭാഗത്തില് ശാസ്ത്രം, സാമൂഹ്യ ശാസ്ത്രം ഗണിതവിഭാഗത്തില് ഇക്കുറി ഗേള്സ് പൂര്ണ ആധിപത്യം പുലര്ത്തി ഓവറോള് ചാമ്പ്യന്ഷിപ്പ് നേടി. സാമൂഹ്യ ശാസ്ത്രത്തില് വര്ക്കിങ് മോഡല് ,പ്രാദേശിക ചരിത്രരചന എന്നിവയ്ക്ക് ഒന്നാം സ്ഥാനവും സ്റ്റില് മോഡല്, അറ്റ്ലസ് മേക്കിങ് എന്നിവയ്ക്ക് രണ്ടാം സ്ഥാനവും ലഭിച്ചു. സയന്സ് വിഭാഗത്തില് ഇമ്പ്രോവൈസ്ഡ് എക്സ്പിരിമെന്റിനും സയന്സ് മാഗസിനും സയന്സ് ഡ്രാമയ്ക്കും ഒന്നാം സ്ഥാനം നേടി. ഐടി വിഭാഗത്തില് ഡിജിറ്റല് പെയിന്റിംഗിനു ഒന്നാം സ്ഥാനം ലഭിച്ചു. കഴിഞ്ഞ ഏഴു വര്ഷങ്ങളിലും ഗണിതത്തിനു സബ്ജില്ലയില് ഓവറോള് ചാമ്പ്യന്ഷിപ്പ് നേടിവന്നിരുന്ന ഗേള്സ് സ്കൂള് ഇത്തവണയും കിരീടം നിലനിര്ത്തി. പ്രിന്സിപ്പല് ഷാഫി, ഹെഡ്മിസ്ട്രസ് അനിലാറാണി എന്നിവരുടെ മേല്നോട്ടത്തില് സ്കൂള് പിടിഎയുടെ സഹകരണത്തോടെ സീനാമോള്, ഹരിലാല്, പ്രസന്ന, ശ്രീലത, സയന്സ്ക്ലബ് കണ്വീനര് ദീപ്തി, ഗണിത ക്ലബ് കണ്വീനര് ബിനു, സാമൂഹ്യശാസ്ത്ര ക്ലബ് കണ്വീനര് ഷൈജു എന്നീ അധ്യാപകരുടെ നേതൃത്വത്തില് നടന്ന ചിട്ടയായ പരിശീലനമാണ് തിളക്കമാര്ന്ന വിജയത്തിനാധാരം. പങ്കെടുത്ത എല്ലാ ഇനങ്ങളിലും ഒന്നാം സ്ഥാനം നേടാന് കഴിഞ്ഞത് മികച്ച നേട്ടമാണ്.
പ്രതികരിക്കാൻ ഇവിടെ എഴുതുക: