തിരുവനന്തപുരം: വിഴിഞ്ഞം അന്താരാഷ്ട്ര തുറമുഖത്തിന്റെ ബ്രേക്ക് വാട്ടര് നിര്മ്മാണ കാലയളവായ രണ്ടു വര്ഷത്തേക്ക് മത്സ്യബന്ധന ബോട്ടുകള്ക്ക് മത്സ്യഫെഡ് മുഖേന മണ്ണെണ്ണ വിതരണം ചെയ്യുന്നതിനുളള പാക്കേജ് മന്ത്രിസഭ അംഗീകരിച്ചു.
27.18 കോടി രൂപയാണ് ഇതിനുളള ചെലവ്. തുറമുഖ നിര്മ്മാണം നടക്കുന്നതിനാല് വിഴിഞ്ഞം സൗത്ത്, നോര്ത്ത്, അടിമലത്തുറ എന്നീ മത്സ്യഗ്രാമങ്ങളില് രജിസ്റ്റര് ചെയ്ത 2353 ബോട്ടുകള്ക്ക് ചുറ്റിവളഞ്ഞ് പോകേണ്ടതിനാല് കൂടുതല് മണ്ണെണ്ണ ഉപയോഗിക്കേണ്ടിവരും. അത് കണക്കിലെടുത്താണ് പാക്കേജ് നടപ്പിലാക്കുന്നത്.
കരമന-കളിയിക്കാവിള റോഡുവികസനത്തിന് ഭൂമി ഏറ്റെടുക്കുമ്പോള് കുടിയൊഴിപ്പിക്കപ്പെടുന്ന രാജപാത നിവാസികള്ക്ക് പളളിച്ചല് വില്ലേജില് 3 സെന്റ് വീതം ഭൂമി അനുവദിക്കാന് തീരുമാനിച്ചു. കുടുംബങ്ങള്ക്ക് ലൈഫ് മിഷനില് വീട് നിര്മ്മിച്ചു നല്കാനും തീരുമാനിച്ചു.
പ്രതികരിക്കാൻ ഇവിടെ എഴുതുക: