തളിപ്പറമ്പ്: കണ്സ്ട്രക്ഷന് വര്ക്കേഴ്സ് സൂപ്പര്വൈസേഴ്സ് അസോസിയേഷന് ജില്ലാ സമ്മേളനം ഇന്നും നാളെയുമായി തളിപ്പറമ്പില് നടക്കും.
തൃച്ചംബരം അമൃത ഓഡിറ്റോറിയത്തില് നടക്കുന്ന സമ്മേളനം സംസ്ഥാന സെക്രട്ടറി ഭാസ്കരന് വടക്കൂട്ട് ഉദ്ഘാടനം ചെയ്യും. സാംസ്കാരിക സമ്മേളനം നഗരസഭാ ചെയര്മാന് മഹമൂദ് അള്ളാംകുളവും 10 ന് വൈകുന്നേരം 5 മണിക്ക് ടൗണ് സ്ക്വയറില് നടക്കുന്ന പൊതുസമ്മേളനം മന്ത്രി കടന്നപ്പളളി രാമചന്ദ്രനും ഉദ്ഘാടനം ചെയ്യും. കേരളത്തിലെ ചെറുകിട കരാറുകാരുടെ ഏക സംഘടനയായ കണ്സ്ട്രക്ഷന് വര്ക്കേഴ്സ് അസോസിയെഷന് രൂപീകൃതമായിട്ട് 20 വര്ഷം പൂര്ത്തീകരിക്കുകയാണ്. ഈ കാലയളവില് സാമൂഹ്യരംഗത്തും വിദ്യാഭ്യാസ രംഗത്തും ഒട്ടേറെ പദ്ധതികള് സംഘടന നടത്തിയിട്ടുണ്ട്.
ജില്ലാ കമ്മറ്റിക്ക് കീഴിലുള്ള യൂണിറ്റുകള് നിരാലംബരും ശയ്യാലംബരുമായ 65 ഓളം പേര്ക്ക് വീടുകളുടെ കോണ്ക്രീറ്റ്, അനുബന്ധ ജോലികള് എന്നിവ സൗജന്യമായി ചെയ്തു നല്കിയിട്ടുണ്ട്. ഇതുകൂടാതെ രക്തദാന ക്യാമ്പുകള്, നേത്രദാന പദ്ധതികള്, അവയവദാന പ്രോത്സാഹനം എന്നിവയോടൊപ്പം അംഗങ്ങളുടെ മക്കളില് എസ്എസ്എല്സി, പ്ലസ് ടു പരീക്ഷകളില് ഉന്നത വിജയം നേടിയ വിദ്യാര്ത്ഥികള്ക്ക് ഉപരിപഠനത്തിനുള്ള സഹായവും നല്കിവരുന്നുണ്ട്.
കടുത്ത സാമ്പത്തിക പ്രതിസന്ധിയില് പോകുന്ന നിര്മ്മാണമേഖലയെ രക്ഷപ്പെടുത്താന് ശക്തമായ സമരപരിപാടികള്ക്ക് ജില്ലാസമ്മേളനം രൂപം നല്കും.
പ്രതികരിക്കാൻ ഇവിടെ എഴുതുക: