കോട്ടയം: ഉണക്കമത്സ്യത്തെ ജിഎസ്ടിയില് നിന്ന് ഒഴിവാക്കണമെന്നാവശ്യപ്പെട്ട് ഉണക്കമത്സ്യ വ്യാപാരികള് ഇന്നു മുതല് സംസ്ഥാന വ്യാപകമായി അനിശ്ചിതകാല കടയടപ്പ് സമരം നടത്തുമെന്ന് വ്യാപാരി അസോസിയേഷന് ഭാരവാഹികള് പത്രസമ്മേളനത്തില് അറിയിച്ചു. പച്ചക്കറിയെയും പച്ചമത്സ്യത്തെയും ജിഎസ്ടിയില്നിന്ന് ഒഴിവാക്കിയ സാഹചര്യത്തില് പെരിഷബിള് വിഭാഗത്തില്പ്പെട്ട ഉണക്കമത്സ്യത്തെയും ജിഎസ്ടിയില്നിന്ന് ഒഴിവാക്കണം. മത്സ്യബന്ധനത്തില് ഏര്പ്പെടുന്ന മത്സ്യത്തൊഴിലാളികള് മുതല് മത്സ്യസംസ്ക്കരണ വിതരണ വില്പനക്കാര്വരെയുള്ള ജനവിഭാഗങ്ങളെ ഈ തീരുമാനം ദോഷകരമായി ബാധിക്കുമെന്ന് അവര് ചൂണ്ടിക്കാട്ടി. സമരത്തിന്റെ ഭാഗമായി ഇന്ന് രാവിലെ 10ന് കോട്ടയം ജിഎസ്ടി ഓഫീസിന് മുന്നില് ഉണക്കമത്സ്യ വ്യാപാരികള് ധര്ണ്ണ നടത്തും. പത്രസമ്മേളനത്തില് ഡ്രൈ ഫിഷ് ട്രേഡേഴ്സ് അസോസിയേഷന് കോട്ടയം മേഖല പ്രസിഡന്റ് കെ.എം. ആന്റണി, ജനറല് സെക്രട്ടറി ജോയിസ് ആന്ഡ്രൂസ്, ട്രഷറാര് ബോബന് കോയിപ്പള്ളി, ജോജി ജെയിംസ് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: