കോട്ടയം: കള്ളപ്പണ വിരുദ്ധ ദിനാചരണത്തിന്റെ ഭാഗമായി ജില്ലയിലുടനീളം ബിജെപിയുടെ നേതൃത്വത്തില് ആഹ്ലാദ പ്രകടനങ്ങളും വിശദീകരണ യോഗങ്ങളും നടത്തി. നിയോജക മണ്ഡലം, പഞ്ചായത്ത് അടിസ്ഥാനത്തിലാണ് പരിപാടികള് സംഘടിപ്പിക്കപ്പെട്ടത്.
പൂഞ്ഞാര്: ബിജെപി നിയോജക മണ്ഡലം കമ്മറ്റിയുടെ ആഭിമുഖ്യത്തില് പ്രകടനത്തിന് ശേഷം കൂടിയ പൊതുയോഗം ജില്ലാ പ്രസിഡന്റ് എന്. ഹരി ഉദ്ഘാടനം ചെയ്തു. നോട്ട് നിരോധനത്തിന്റെ പേരില് ഇന്ന് എല്ലാ രാഷ്ട്രീയ കക്ഷികളും ഒന്നിച്ച് കേന്ദ്ര സര്ക്കാരിന്റെ ജനക്ഷേമ പ്രവര്ത്തങ്ങളേയും പദ്ധതികളയും എതിര്ക്കുകയാണ്. കള്ളപ്പണക്കാരുടേയും പൂഴ്ത്തിവയ്പുകാരുടെയും കടയ്ക്കല് കത്തിവച്ച നിലപാടിനെയാണ് ഇവര് എതിര്ക്കുന്നത്. ചരിത്രത്തില് കേരളത്തിന് ഏറ്റവും അധികം നേട്ടം ഉണ്ടായത് നരേന്ദ്ര മോദി സര്ക്കാരില് നിന്നാെണന്ന് മുഖ്യമന്ത്രി തന്നെ പറയുന്നു, ഇതെല്ലാം ജനങ്ങള് കാണുന്നുണ്ടെന്ന് മുന്നണികള് ഓര്ക്കണമെന്ന് അദ്ദേഹം പറഞ്ഞു. കെ.ബി. മധു അദ്ധ്യക്ഷനായ യോഗത്തില് കെ.ജി. കണ്ണന്, നോബിള് മാത്യു സനല്കുമാര്, രാേജഷ് പാറയ്ക്കല്, ആര്.സി. നായര് തുടങ്ങിയവര് പ്രസംഗിച്ചു.
മാടപ്പള്ളി: മാടപ്പള്ളിയില് ബിജെപി പ്രകടനവും വിശദീകരണ യോഗവും നടത്തി. നോട്ട് നിരോധനം ഇന്ത്യന് സമ്പദ് വ്യവസ്ഥയ്ക്ക് പുതിയ കുതിച്ച് ചാട്ടത്തിന് വഴിയൊരുക്കിയ തീരുമാനമായിരുന്നുവെന്ന് ബിജെപി സംസ്ഥാന സമിതി അംഗം ബി രാധാകൃഷ്ണ മേനോന് പറഞ്ഞു.മണ്ഡലം ജനറല് സെക്രട്ടറി എ. മനോജ് അദ്ധ്യക്ഷനായ യോഗത്തില് ബി ആര് മഞ്ജീ ഷ്,വി വിനയകുമാര്,രാജശേഖരപ്പണിക്കര് തുടങ്ങിയവര് പ്രസംഗിച്ചു.
കോട്ടയം: കള്ളപ്പണ നിരോധനത്തിനെതിരെ കേന്ദ്ര സര്ക്കാര് കൈക്കൊണ്ട ധീരമായ നടപടികള്ക്ക് യുവമോര്ച്ചയുടെ നേതൃത്വത്തില് ഐക്യദാര്ഢ്യം പ്രഖ്യാപിച്ചു.
യുവമോര്ച്ച കോട്ടയം ജില്ലാ കമ്മറ്റിയുടെ ആഭിമുഖ്യത്തില് ഗാന്ധിസ്ക്വയറില് കൈ ഒപ്പുകള് രേഖപ്പെടുത്തി അഭിവാദ്യങ്ങള് അര്പ്പിച്ചു. യുവമോര്ച്ച ജില്ലാ പ്രസിഡന്റ് അഖില് രവീന്ദ്രന് അദ്ധ്യക്ഷനായ യോഗം ബിജെപി ജില്ല ജനറല് സെക്രട്ടറി ലിജിന് ലാല് ഉദ്ഘാടനം ചെയ്തു. യുവമോര്ച്ച ജില്ല ജനറല് സെക്രട്ടറിമാരായ ലാല് കൃഷ്ണ, സോബിന്ലാല്, സിന്ധു അജിത്ത്, സുധാ ഗോപി നന്ദന്, ഉണ്ണി, ഗിരീഷ്, എന്നിവര് പങ്കെടുത്തു.
പാലാ: നാഷണലിസ്റ്റ് കേരളാ കോണ്ഗ്രസ് കോട്ടയം ജില്ലാ കമ്മറ്റി ലഡു വിതരണം നടത്തി. സംസ്ഥാന ജനറല് സെക്രട്ടറി ബിജി മണ്ഡപം ഉദ്ഘാടനം ചെയ്തു. ജില്ലാ പ്രസിഡന്റ് അനീഷ് ഇരട്ടയാനി അദ്ധ്യക്ഷനായി.
പ്രതികരിക്കാൻ ഇവിടെ എഴുതുക: