മുംബൈ: മുംബൈ മോണോറെയിലില് തീപിടിത്തം. വ്യാഴാഴ്ച പുലര്ച്ചെ അഞ്ചരയോടെ വഡാല സ്റ്റേഷനിലാണ് തീപിടിത്തമുണ്ടായത്. രണ്ടു കോച്ചുകള് പൂര്ണ്ണമായും കത്തി നശിച്ചു. കോച്ചുകളില് യാത്രക്കാരില്ലാതിരുന്നതിനാല് വന് അപകടം ഒഴിവായി.
തീപിടിത്തത്തിന്റെ കാരണം അന്വേഷിച്ചുവരികയാണെന്നും ഷോര്ട്ട് സര്ക്യൂട്ടാണ് അപകടത്തിനു കാരണമെന്നാണു പ്രഥമിക നിഗമനമെന്നും അധികൃതര് അറിയിച്ചു. തീപിടിത്തം മറ്റു സര്വീസുകളെ ബാധിച്ചെങ്കിലും പിന്നീട് സര്വീസുകള് പുനഃരാരംഭിച്ചു.
ചെമ്പൂരില് നിന്നും വഡാല സ്റ്റേഷന് വരെയാണ് മോണോറെയില് ലൈനുള്ളത്. പുലര്ച്ചെ അഞ്ചു മണിമുതല് അര്ദ്ധരാത്രിവരെയാണ് മോണോറെയില് സര്വീസുള്ളത്.
പ്രതികരിക്കാൻ ഇവിടെ എഴുതുക: