തിരുവനന്തപുരം: സമൂഹത്തെ മുന്നോട്ടു നയിക്കുന്നതിന് പുതിയ ആശയങ്ങള് മുന്നോട്ടുവയ്ക്കുന്ന ശാസ്ത്രജ്ഞന്മാരാണ് സാഹിത്യകാരന്മാരെന്ന് വിദ്യാഭ്യസമന്ത്രി പ്രൊഫ. സി. രവീന്ദ്രനാഥ്. ശാസ്ത്രസാഹിത്യ ഇന്സ്റ്റിറ്റ്യൂട്ടിന്റെ ആഭിമുഖ്യത്തില് സംഘടിപ്പിച്ച ശ്രീകണ്ഠേശ്വരം പത്മനാഭപിള്ള സ്മാരക സംസ്ഥാന അവാര്ഡ് സമര്പ്പണത്തിന്റെ ഉദ്ഘാടനം നിര്വഹിക്കുകയായിരുന്നു അദ്ദേഹം. ശാസ്ത്ര സാഹിത്യ ഇന്സ്റ്റിറ്റ്യൂട്ട് ഡയറക്ടര് സുദര്ശന് കാര്ത്തികപ്പറമ്പില് അധ്യക്ഷത വഹിച്ചു. കവി പി. നാരായണക്കുറുപ്പിനും നോവലിസ്റ്റ് കല്ലിയൂര് ഗോപകുമാറും മന്ത്രി ഫലകവും പ്രശസ്തി പത്രവും നല്കി ആദരിച്ചു.
കവി പ്രഭാവര്മ, ഗാനരചയിതാവ് ശ്രീകുമാരന് തമ്പി, കേരളാ ഭാഷ ഇന്സ്റ്റിറ്റ്യൂട്ട് ഡയറക്ടര് പ്രൊഫ. വി. കാര്ത്തികേയന് നായര്, ഡോ ശ്രീവരാഹം ചന്ദ്രശേഖരന്നായര്, ടി.പി. ശങ്കരന്കുട്ടിനായര്, ഡോ വിളക്കുടി രാജേന്ദ്രന്, ഡോ എ.എം. ഉണ്ണികൃഷ്ണന്, വിനോദി വൈശാഖി, ആറ്റുകാല് ഓമനകുട്ടന്, അജിത് പാവംകോട് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: