ജയ്പ്പൂര്: ട്വന്റി 20 യില് വിസ്മയം തീര്ത്ത് രാജസ്ഥാന്റെ പതിനഞ്ചുകാരന് ആകാശ് ചൗധരി. പന്തുകൊണ്ട് ഇന്ദ്രജാലം കാട്ടിയ ഈ ഇടംകൈയന് പേസര് നാല് ഓവറില് ഒരു റണ്സ് പോലും വിട്ടുകൊടുക്കാതെ പത്ത് വിക്കറ്റ് വിക്കറ്റും കീശയിലാക്കി.
ജയ്പ്പൂരിലെ ഒരു പ്രാദേശിക ട്വന്റി 20 മത്സരത്തിലാണ് ആകാശിന്റെ മാന്ത്രിക പ്രകടനം. ദിഷ ക്രിക്കറ്റ് അക്കാദമി താരമായ അശോക് ചൗധരി പേള് അക്കാദമിക്കെതിരായ മത്സരത്തിലാണ് ഈ അവിസ്മരണീയ നേട്ടം കൈവരിച്ചത്.
ഫീല്ഡിങ്ങ് തെരഞ്ഞെടുത്ത പേള് അക്കാദമി ദിഷ് ക്രിക്കറ്റ് അക്കാദമിയെ 20 ഓവറില് 156 റണ്സിലൊതുക്കി. തുടര്ന്ന് ബാറ്റേന്തിയെ പേള് അക്കാദമിയെ ആകാശ് ചൗധരിയുടെ മികവില് 36 റണ്സിന് പുറത്താക്കി.
ഇടം കൈയന് പേസറായ ആകാശ് ആദ്യ ഓവറില് രണ്ട് വിക്കറ്റ് വീഴ്ത്തി. രണ്ടാമത്തെയും മൂന്നാമത്തെയും ഓവറുകളില് രണ്ട് വിക്കറ്റ് വീതമെടുത്തു.നാലാം ഓവറില് ഹാട്രിക്ക് ഉള്പ്പെടെ നാലു വിക്കറുകളും നേടി ചിരിത്രമെഴുതി.
ഒരു റണ്സ് പോലും വിട്ടുകൊടുക്കാതെ ഒന്നിലേറെ വിക്കറ്റുകള് നേടിയ ബൗളര്മാര്: 3.4-3-0-3 റിച്ചി ബീനൗഡ് (ഓസ്ട്രേലിയ) ഇന്ത്യക്കെതിരെ 1959 ലെ ടെസ്റ്റില്., 5-5-0-2 ഗില് സ്മിത്ത് ( ഇംഗ്ലീഷ് വനിതാ ക്രിക്കറ്റര്) അയര്ലന്ഡിനെതിരെ 1990 ലെ ഏകദിന ലോകപ്പില്., 1-1-0-2 ആന്ഡി ബിക്കല് ( ഓസ്ട്രേലിയ) നബീമിയക്കെതിരെ 2003 ലെ ഏകദിന ലോകകപ്പില്., 0.2-0-0-2 മിച്ചല് സാന്റര് (ന്യൂസിലന്ഡ്) ഓസ്ട്രേലിയക്കെതിരെ 2016 ലെ ലോകകപ്പില്., 3.2-3-0-4 ഡെയ്ന് വാന് നീക്കെര്ക്ക് ( ദക്ഷിണാഫ്രിക്കന് വനിതാ ക്രിക്കറ്റര്) വെസ്റ്റ് ഇന്ഡീസിനെതിരെ 2017 ലെ ലോകകപ്പില്.
പ്രതികരിക്കാൻ ഇവിടെ എഴുതുക: