കണ്ണൂര്: പ്രണയം നടിച്ച് പെണ്കുട്ടികളെ വശീകരിച്ച് പീഡിപ്പിക്കുന്ന സംഘത്തിലെ യുവാവ് അറസ്റ്റിലായി. പാപ്പിനിശ്ശേരി അരോളിയിലെ പാറക്കല് റഫീഖിനെ(24)യാണ് ചക്കരക്കല്ല് പോലീസ് അറസ്റ്റ് ചെയ്തത്. സ്കൂള് വിദ്യാര്ത്ഥിനികളെയും മറ്റും പ്രണയം നടിച്ച് പ്രലോഭിപ്പിച്ച് പീഡിപ്പിക്കുകയും നഗ്നഫോട്ടോകള് മൊബൈല് ഫോണില് പകര്ത്തി ഈ ഫോട്ടോകള് ഉപയോഗിച്ച് ബ്ലാക്ക് മെയില് ചെയ്യുകയും ചെയ്യുന്ന സംഘത്തിലെ പ്രതിയാണ് ഇയാള്.
തിലാന്നൂരിലെ ഒരു പെണ്കുട്ടിയുടെ പരാതിയിലാണ് ഇയാളെ പോക്സോ നിയമപ്രകാരം പോലീസ് അറസ്റ്റ് ചെയ്തത്. കണ്ണൂര് നഗരത്തിലെ ഉന്നതനിലവാരമുള്ള സ്കൂളുകളില് നിന്നടക്കമുള്ള നിരവധി പെണ്കുട്ടികളെ നഗ്നഫോട്ടോ കാട്ടി പീഡിപ്പിച്ച സംഭവത്തിലെ മുഖ്യസൂത്രധാരനാണ് റഫീഖ്. ഇയാളുടെ ഫോണില് നിന്നും ഞെട്ടിക്കുന്ന വിവരങ്ങളാണ് പോലീസിന് ലഭിച്ചത്. പ്രണയം നടിച്ച് പെണ്കുട്ടികളെ വലയില് വീഴ്ത്തുന്നതാണ് ഇയാളുടെ രീതി. പലപ്പോഴും ഒരേ ക്ലാസിലെ കുട്ടികളെപ്പോലും ഇയാള് വലയില് വീഴ്ത്താറുണ്ടത്രെ. തുടര്ന്ന് ഇത്തരം കുട്ടികളെ മതം മാറ്റാനും ശ്രമം നടത്താറുണ്ട്. ഐഎസ് ബന്ധമുള്ള സംഘമാണ് ഇതിന് പിന്നിലുള്ളത്. മണല് കടത്തില് അടക്കം വളപട്ടണം സ്റ്റേഷനില് മാത്രം നിരവധി ക്രിമിനല് കേസുകളില് പ്രതിയാണ് പിടിയിലായ റഫീഖ്. ഇയാള്ക്ക് തീവ്രവാദ സംഘടനകളുമായി നേരിട്ട് ബന്ധമുള്ളതായാണ് സൂചന.
പ്രതികരിക്കാൻ ഇവിടെ എഴുതുക: