പാറശ്ശാല: ധനുവച്ചപുരത്ത് എസ്എഫ്ഐ ഗുണ്ടാ ആക്രമണം. എബിവിപി പ്രവര്ത്തകന് വെട്ടേറ്റു. കഴിഞ്ഞദിവസം ധനുവച്ചപുരം എന്എസ്എസ് ഹയര്സെക്കന്ററി സ്കൂളില് നടന്ന കലോത്സവവുമായി ബന്ധപ്പെട്ട് വിദ്യാര്ഥികള് തമ്മിലുണ്ടായ വാക്കേറ്റമാണ് സംഘര്ഷത്തില് കലാശിച്ചത്. എസ്എഫ്ഐ പ്രവര്ത്തകര്ക്കെതിരെ കേസു കൊടുത്ത സ്കൂളിലെ എബിവിപി പ്രവര്ത്തകരായ ധനുവച്ചപുരം സ്വദേശി ശ്രീദേവ്, വണ്ടിത്തടം സ്വദേശി ആദര്ശ് എന്നിവരെ പാറശാല ഇടിച്ചയ്ക്കപ്ലാമൂടിന് സമീപം എട്ടു പേരടങ്ങുന്ന എസ്എഫ്ഐ സംഘം വളഞ്ഞിട്ട് മര്ദിക്കുകയായിരുന്നു. ക്രൂരമര്ദനത്തിനു ശേഷം സ്കൂള് ചെയര്മാനായ ശ്രീദേവിനെ മാരകായുധം ഉപയോഗിച്ചു വെട്ടി പരിക്കേല്പ്പിച്ചു. അവസാനം സ്ഥലത്ത് പോലീസെത്തിയാണ് പരിക്കേറ്റ പ്രവര്ത്തകരെ പാറശ്ശാല സര്ക്കാര് ആശുപത്രിയില് പ്രവേശിപ്പിച്ചു. പാറശാല പോലീസ് കേസ്സെടുത്തു.
പ്രതികരിക്കാൻ ഇവിടെ എഴുതുക: