ചാലക്കുടി: സമൂഹം നേരിടുന്ന വലിയൊരു രോഗമാണ് ലൗ ജിഹാദ് എന്ന് സംസ്ഥാന വനിതാ കമ്മീഷന് മുന് അംഗം പ്രൊഫ. ജെ. പ്രമീള ദേവി അഭിപ്രായപ്പെട്ടു. ചാലക്കുടി വ്യാസ വിദ്യാനികേതന് സെന്ട്രല് സ്കൂളില് ആരംഭിച്ച ഹിന്ദു ഐക്യവേദിയുടെ മഹിള ഐക്യവേദി സംസ്ഥാന പഠന ശിബിരം ഉദ്ഘാടനം ചെയ്യുകയായിരുന്നു അവര്.
കേരളത്തില് ലൗ ജിഹാദിന്റെ പേരില് പെണ്കുട്ടികളെ മതം മാറ്റുകയും അതിലൂടെ ഭീകര പ്രവര്ത്തനത്തിന് ഉപയോഗിക്കുകയുമാണ് ചെയ്യുന്നത്. പ്രണയവും മതവും കൂട്ടി കുഴക്കുന്നതാണ് ഇതിന്റെ പ്രശ്നം. പ്രണയം പ്രണയമായി കാണാന് തയ്യാറാകണം. ഹൈന്ദവ സമൂഹത്തിന്റെ ശരിയായ അറിവ് നഷ്ടപ്പെട്ടതാണ് ലൗ ജിഹാദ് പോലുള്ള രോഗങ്ങള്ക്ക് കാരണം.
ക്ഷേത്രങ്ങളേയും ക്ഷേത്ര ആരാധനകളേയും നശിപ്പിച്ച ടിപ്പു സുല്ത്താന്റെ ജയന്തിയും ആഘോഷിക്കാനാണ് ഇന്ന് എല്ലാവര്ക്കും താത്പര്യം. ദേശീയതയ്ക്ക് വേണ്ടി പ്രവര്ത്തിച്ച മഹാന്മാരെ ഓര്ക്കാന് ആരും തയ്യാറാകുന്നില്ലെന്നും അവര് പറഞ്ഞു.
മഹിള ഐക്യവേദി സംസ്ഥാന പ്രസിഡന്റ് നിഷ സോമന് അധ്യക്ഷത വഹിച്ചു. ജനറല് സെക്രട്ടറി ബിന്ദു മോഹന്, ഹിന്ദുഐക്യവേദി സംസ്ഥാന ജനറല് സെക്രട്ടറി കെ.പി.ഹരിദാസ്, സംസ്ഥാന സെക്രട്ടറി എ.ശ്രീധരന്, ശശികല ജയസൂര്യന്, ജയന് കമ്മട്ടേരി, ജയന്തി ജയന് തുടങ്ങിയവര് സംസാരിച്ചു. ഇന്ന് രാവിലെ പ്രൊഫ. സരിത അയ്യര്, കെ. പി ഹരിദാസ് തുടങ്ങിയവര് വിവിധ വിഷയങ്ങളില് ക്ലാസെടുക്കും. സമാപന സമ്മേളനം ഹിന്ദു ഐക്യവേദി സംസ്ഥാന അധ്യക്ഷ കെ. പി ശശികല ഉദ്ഘാടനം ചെയ്യും.
പ്രതികരിക്കാൻ ഇവിടെ എഴുതുക: