കൊച്ചി: കേരള പുലയര് മഹാസഭാ സംസ്ഥാന ജനറല് സെക്രട്ടറി തുറവൂര് സുരേഷ് നയിക്കുന്ന ഭൂഅധിനിവേശയാത്ര ഇന്ന് മുതല് 15വരെ എറണാകുളം ജില്ലയില് പര്യടനം നടത്തുമെന്ന് കെപിഎംഎസ് ജില്ലാകമ്മറ്റി ഭാരവാഹികള് വാര്ത്ത സമ്മേളനത്തില് അറിയിച്ചു. രണ്ടാം ഭൂപരിഷ്കരണം നടപ്പിലാക്കുക, പട്ടിക വിഭാഗ വികസന നയം പ്രഖ്യാപിക്കുക തുടങ്ങിയ ആവശ്യങ്ങളുന്നയിച്ചാണ് നവംബര് ഒന്നിന് തിരുവനന്തപുരത്ത് നിന്ന് യാത്ര ആരംഭിച്ചത്. യാത്രയുടെ ഭാഗമായി 20ന് തൃശൂരില് നടക്കുന്ന മഹാറാലിയില് വിവിധ പട്ടികജാതി സംഘടനകളെ പ്രതിനിധികരിച്ച് ജില്ലയില് നിന്ന് 30,000 പേര് പങ്കെടുക്കുമെന്നും ഭാരവാഹികള് അറിയിച്ചു. ജില്ലാ പ്രസിഡന്റ് ടി.കെ അനില്കുമാര്, സി.എം സുരേന്ദ്രന് വാര്ത്താ സമ്മേളനത്തില് പങ്കെടുത്തു.
പ്രതികരിക്കാൻ ഇവിടെ എഴുതുക: