കുണ്ടറ: രാഷ്ട്രീയ പകപോക്കലില് വികസന പ്രവര്ത്തനങ്ങള് ഇടതു സര്ക്കാര് തടസ്സപ്പെടുത്തുന്നു. ബിജെപി പഞ്ചായത്തംഗം പ്രതിനിധീകരിക്കുന്ന തൃക്കോവില്വട്ടം ഗ്രാമ പഞ്ചായത്തിലെ ചേരീക്കോണം വാര്ഡില് തലച്ചിറ കോളനിയിലെ വികസനങ്ങളാണ് ഇടതു ഭരണക്കാര് അട്ടിമറിക്കുന്നത്.
കോളനികളുടെ വികസനത്തിനായുള്ള ഒരു കോടി രൂപ ഉപയോഗിച്ചാണ് കുടിവെള്ള പദ്ധതി, വായനശാല തുടങ്ങിയ വികസന പ്രവര്ത്തനങ്ങള് ആരംഭിച്ചത്.
കഴിഞ്ഞ യുഡിഎഫ് സര്ക്കാരിന്റെ കാലത്താണ് കുടിവെള്ള പദ്ധതിയുടെ നിര്മാണം ആരംഭിച്ചത്. ജലസംഭരണിയും കിണറും നിര്മിക്കുകയും വീടുകളില് പൈപ്പു കണക്ഷന് നല്കുകയും ചെയ്തു.
എല്ഡിഎഫ് അധികാരത്തിലേറിയിട്ട് രണ്ടു വര്ഷമായിട്ടും ഈ പദ്ധതി പൂര്ത്തീകരിച്ച് ഉദ്ഘാടനം നടത്താന് തയ്യാറായിട്ടില്ല.
ഈ ഫണ്ടില് നിന്ന് ഒരു വായനശാല കെട്ടിടത്തിന്റെ നിര്മാണം ആരംഭിച്ചിരുന്നു. ഇത് പൂര്ത്തീകരിച്ച് തുറന്ന് നല്കാന് ഇതുവരെ സാധിച്ചിട്ടില്ല. അഞ്ചുവര്ഷത്തോളമായി ഈ കെട്ടിടവും ജലസംഭരണിയും കാടുപിടിച്ചു മലിനമായി കിടക്കുകയാണ്. ഈ പദ്ധതിയുടെ പേരില് വന് അഴിമതി നടന്നതായും ആരോപണമുണ്ട് .
ബിജെപി അംഗത്തോടുള്ള രാഷ്ട്രീയ വിവേചനമാണ് പദ്ധതി മരവിപ്പിക്കാന് കാരണമെന്നും ആക്ഷേപമുണ്ട്. പദ്ധതി പ്രയോജനപ്പെടുത്തുന്നതിനായി വാര്ഡ് മെമ്പര് നിരന്തര സമ്മര്ദം ചെലുത്തിയിട്ടും അവഗണന തുടരുകയാണ്.
പ്രതികരിക്കാൻ ഇവിടെ എഴുതുക: