കണ്ണൂര്: ജില്ലയിലെ തളിപ്പറമ്പ്, കണ്ണൂര് പോലീസ് സ്റ്റേഷനുകളില് കുട്ടികള്ക്കായി കളിമുറിയൊരുങ്ങി. പോലീസിന്റെ സ്പെഷ്യല് ജുവൈനല് സ്റ്റേഷനുകളിലൊന്നായ ഇവിടെ ഒരു മുറിയില് പ്രത്യേകമായി ചുമര്ചിത്രങ്ങളും കളിപ്പാട്ടങ്ങളും ഒരുക്കിയിരിക്കുകയാണ്. പാമ്പും കോണിയും കളിക്കുന്ന വിധം, കളര്പെന്സിലുകളുടെ കട്ടൗട്ടറുകള്, എഞ്ചുവടി സ്ലേറ്റിന്റെ മാതൃക എന്നിവയും മുറിയില് ഒരുക്കിയിട്ടുണ്ട്. കുട്ടികളുമായി ബന്ധപ്പെട്ട പരാതികള് വര്ധിച്ചുവരുന്നതിനാലാണ് സ്റ്റേഷനുകളില് ഇത്തരത്തില് ശിശുസൗഹൃദ മുറികള് ഒരുക്കുന്നത്. സംസ്ഥാനത്തെ എല്ലാ പോലീസ് സ്റ്റേഷനുകളിലും ഈ സംവിധാനം ഉടന് നടപ്പിലാക്കും. ഈ മുറിയില് യൂണിഫോം ധരിക്കാത്ത പോലീസുകാരുടെ സേവനമാണ് ലഭിക്കുക. 18 വയസ്സില് താഴെയുള്ള കുട്ടികള്ക്ക് തങ്ങളുടെ പരാതികള് നിര്ഭയം പോലീസിനോട് പറയാനുള്ള അന്തരീക്ഷമാണ് ഇത്തരം സംവിധാനത്തിലൂടെ ലക്ഷ്യം വെക്കുന്നത്.
കണ്ണൂര് ടൗണ് സ്റ്റേഷനില് ഒരുക്കിയ ശിശുസൗഹൃദ കളിമുറിയുടെ ഉദ്ഘാടനം മന്ത്രി രാമചന്ദ്രന് കടന്നപ്പള്ളി നിര്വ്വഹിച്ചു. സംസ്ഥാനതല ഉദ്ഘാടനം മുഖ്യമന്ത്രിയാണ് നിര്വ്വഹിച്ചത്. ചടങ്ങില് മേയര് ഇ.പി.ലത അധ്യക്ഷത വഹിച്ചു.
പ്രതികരിക്കാൻ ഇവിടെ എഴുതുക: