ആലപ്പുഴ: നഗരത്തിന് ഉത്സവഛായ പകര്ന്ന് ശിശുദിനാഘോഷ റാലിയും സമ്മേളനവും. ജില്ലാ ശിശുക്ഷേമ സമിതിയുടെ നേതൃത്വത്തില് നടന്ന റാലി ജില്ലാ കളക്ടര് ടി.വി. അനുപമ ഫ്ളാഗ് ഓഫ് ചെയ്തു. കുട്ടികളുടെ പ്രധാനമന്ത്രി സൂര്യ അനില്കുമാര് റാലിക്ക് നേതൃത്വം നല്കി. വാദ്യമേളങ്ങളുടെയും നിശ്ചലദൃശ്യങ്ങളുടെയും അകമ്പടിയോടെ നടന്ന റാലി നഗരത്തെ വര്ണാഭമാക്കി. വിവിധ സ്കൂളുകളില്നിന്നുള്ള വിദ്യാര്ഥികള് പങ്കെടുത്തു.സമാപന സമ്മേളനം കുട്ടികളുടെ പ്രധാനമന്ത്രി സൂര്യ അനില്കുമാര് ഉദ്ഘാടനം ചെയ്തു. സനൂപ് നമ്പൂതിരി അധ്യക്ഷനായി.
ചേര്ത്തല: പറയകാട് ഗവ. യുപി സ്കൂളില് ശിശുദിനോഘോഷവും ക്ലാസ് ലൈബ്രറി ഉദ്ഘാടനവും നടത്തി. എ.എം. ആരിഫ് എംഎല്എ ഉദ്ഘാടനം ചെയ്തു. കുത്തിയതോട് പഞ്ചായത്ത് പ്രസിഡന്റ് പ്രേമാ രാജപ്പന് അദ്ധ്യക്ഷയായി. ജില്ലാശാസ്ത്ര മേളയില് വിജയിയായ റിയാസിനെ ആദരിച്ചു.
ചാലില് പ്രതീക്ഷാഭവന് ഇംഗ്ലീഷ് മീഡിയം സ്കൂളില് നടന്ന ശിശുദിനാഘോഷം പ്രിന്സിപ്പല് സിസ്റ്റര് സെബി മേരി ഉദ്ഘാടനം ചെയ്തു. മാനേജര് ഫാ. ഐസക് കൊച്ചിനാംകരി സന്ദേശം നല്കി. തുടര്ന്ന് കുട്ടികളുടെ കലാപരിപാടികള് നടന്നു. കിന്ഡര് വിമന്സ് ആശുപത്രിയുടെയും തണ്ണീര്മുക്കം പഞ്ചായത്ത് 19 ാം വികസന സമിതിയുടെയും ആഭിമുഖ്യത്തില് നടന്ന ആഘോഷം സൂപ്രണ്ട് ഡോ. അന്നതന് ഉദ്ഘാടനം ചെയ്തു. സ്റ്റാന്ഡിങ് കമ്മിറ്റി ചെയര്മാന് പി.എസ്. ജ്യോതിസ് സന്ദേശം നല്കി.
ശിശുദിനത്തോടനുബന്ധിച്ച് മുഹമ്മ കാവുങ്കല് പഞ്ചായത്ത് എല്പി സ്കൂളില് വിവിധ കലാ പരിപാടികള് സംഘടിപ്പിച്ചു. പഞ്ചായത്ത് പ്രസിഡന്റ് തങ്കമണിഗോപിനാഥ് ഉദ്ഘാടനം ചെയ്തു. എസ്എംസി ചെയര്പേഴ്സണ് വിധുബാല അദ്ധ്യക്ഷത വഹിച്ചു.
പ്രതികരിക്കാൻ ഇവിടെ എഴുതുക: