കഞ്ചാവുമായി പിടിയില്‍

Wednesday 15 November 2017 2:57 pm IST

കൊല്ലം: പുനലൂര്‍ ഇളമ്പലില്‍ ബൈക്കില്‍ കടത്തുകയായിരുന്ന മൂന്ന് കിലോ കഞ്ചാവുമായി ഇളമ്പല്‍ മാടപ്പാറ പുത്തന്‍വീട്ടില്‍ സതീഷ്‌കുമാര്‍ (31) പിടിയിലായി. ഇയാളില്‍നിന്നും കഞ്ചാവ് കടത്താനുപയോഗിച്ച ബൈക്കും, 1600 രൂപയും കസ്റ്റഡിയിലെടുത്തു. കൊല്ലം അസി. എക്‌സൈസ് കമ്മീഷണര്‍ പി.കെ.സനുവിന് ലഭിച്ച രഹസ്യവിവരത്തെ തുട്ടര്‍ന്ന് സിഐ ജെ.താജുദീന്‍കുട്ടിയുടെ നേതൃത്വത്തിലുള്ള സ്‌പെഷ്യല്‍ സ്‌ക്വാഡും ഷാഡോടീമും സംയുക്തമായി നടത്തിയ വാഹനപരിശോധനയിലാണ് പ്രതി പിടിയിലായത്. പുനലൂര്‍ കേന്ദ്രീകരിച്ച് പ്രവര്‍ത്തിക്കുന്ന കിഴക്കന്‍മേഖലയിലെ കഞ്ചാവ് ശൃംഖലയിലെ പ്രധാന കണ്ണിയാണ് അറസ്റ്റിലായ സതീഷ്‌കുമാര്‍. ഇയാളില്‍ നിന്നും കൂടുതല്‍ വിവരങ്ങള്‍ ലഭിച്ചതായും അന്വേഷണം ആരംഭിച്ചതായും എക്‌സൈസ് അറിയിച്ചു.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.