തിരുവനന്തപുരം: ദേവസ്വം റിക്രൂട്ട്മെന്റ് ബോര്ഡ് മുഖേന നടത്തുന്ന നിയമനങ്ങളില് മുന്നോക്ക സമുദായങ്ങളിലെ സാമ്പത്തികമായി പിന്നോക്കം നില്ക്കുന്നവര്ക്ക് 10 ശതമാനം സംവരണം നല്കാന് മന്ത്രിസഭ തീരുമാനിച്ചു.
അഹിന്ദുക്കള്ക്ക് ദേവസ്വത്തില് നിയമനമില്ല. സര്ക്കാര് സര്വീസില് മുസ്ലീം, ക്രിസ്ത്യന് വിഭാഗങ്ങള്ക്കുളള 18 ശതമാനം സംവരണം ദേവസ്വം ബോര്ഡില് ഹിന്ദുക്കളിലെ പൊതുവിഭാഗത്തിനാണ് ഇപ്പോള് അനുവദിച്ചിട്ടുളളത്. ഈ 18 ശതമാനത്തില് നിന്ന് 10 ശതമാനം തസ്തികകള് മുന്നോക്ക സമുദായങ്ങളിലെ പാവപ്പെട്ടവര്ക്ക് സംവരണം ചെയ്യും.
ഈഴവ സമുദായത്തിന് ഇപ്പോഴുളള സംവരണം 14 ശതമാനത്തില്നിന്ന് 17 ശതമാനമാക്കും. പട്ടികജാതിവര്ഗ്ഗ വിഭാഗത്തിന്റെ സംവരണം 10 ശതമാനത്തില് നിന്ന് 12 ശതമാനമാക്കും. ഈഴവ ഒഴികെയുളള ഒബിസി സംവരണം 3 ശതമാനത്തില് നിന്ന് 6 ശതമാനമാക്കും.
പ്രതികരിക്കാൻ ഇവിടെ എഴുതുക: