തിരുവനന്തപുരം: ശ്രീനാരായണ ഗുരുദേവന്റെ പ്രതിമ തിരുവനന്തപുരത്ത് സ്ഥാപിക്കാന് മന്ത്രിസഭ തീരുമാനിച്ചു. ജാതിയില്ലാ വിളംബരത്തിന്റെ നൂറാം വാര്ഷികം പ്രമാണിച്ചാണിത്. അനുയോജ്യമായ സ്ഥലം കണ്ടെത്താനും ശുപാര്ശകള് സമര്പ്പിക്കാനും റവന്യൂ അഡീഷണല് ചീഫ് സെക്രട്ടറി പി.എച്ച്. കുര്യന് കണ്വീനറും സാംസ്കാരിക വകുപ്പ് സെക്രട്ടറി റാണി ജോര്ജ് അംഗവുമായി സമിതിയെ നിയോഗിച്ചു. ഒരു മാസത്തിനകം സമിതി സര്ക്കാരിന് റിപ്പോര്ട്ട് സമര്പ്പിക്കണം.
കേരളീയ നവോത്ഥാനത്തിന് നാന്ദി കുറിച്ച സ്വാമി വിവേകാനന്ദന് കേരളം സന്ദര്ശിച്ചതിന്റെ 125ാം വാര്ഷികം ‘വിവേകാനന്ദ സ്പര്ശം’ എന്ന പേരില് നവംബര് 27 മുതല് ഡിസംബര് 28 വരെ സാംസ്കാരിക വകുപ്പിന്റെ ആഭിമുഖ്യത്തില് ആഘോഷിക്കും.
പ്രതികരിക്കാൻ ഇവിടെ എഴുതുക: