കൊല്ക്കത്ത: തനിക്ക് ആവശ്യമെന്ന് തോന്നുമ്പോള് വിശ്രമവാമശ്യപ്പെടുമെന്ന് ഇന്ത്യന് ക്യാപറ്റ്ന് വിരാട് കോഹ്ലി. എനിക്കും വിശ്രമം ആവശ്യമാണ്. ഞാനൊരു റോബോട്ടല്ല. വിശ്രമം ആവശ്യമാണെന്ന് തോന്നുമ്പോള് ആവശ്യപ്പെടുമെന്ന് കോഹ് ലി മാധ്യമങ്ങളോട് പറഞ്ഞു.
ശ്രീലങ്കക്കെതിരായ രണ്ടാം ടെസ്റ്റിനുശേഷം മൂന്നാം ടെസ്റ്റിലും ഏകദിന പരമ്പരയിലും വിശ്രമം നല്കണമെന്ന് കോഹ് ലി സെലക്ടര്മാരോട് ആവശ്യപ്പെട്ടെന്ന് റിപ്പോര്ട്ടുകളുണ്ടായിരുന്നു.
എന്നാല് ദേശീയ മുഖ്യ സെലക്ടറായ എം.എസ്.കെ പ്രസാദ് ഈ റിപ്പോര്ട്ടുകള് നിഷേധിച്ചു. മൂന്ന് ടെസ്റ്റിലും കളിക്കുമെന്ന് കോഹ്ലി ഉറപ്പുനല്കിയിട്ടുണ്ട്. ടെസ്റ്റ് പമ്പരയ്ക്കുശേഷം ക്യാപറ്റന് വിശ്രമം നല്കുന്നതിനെക്കുറിച്ച് ആലോചിക്കുമെന്നും പ്രസാദ് പറഞ്ഞു.
കളിക്കളത്തില് അമിതാദ്ധ്വാനം നടത്തുന്നവര്ക്ക് വിശ്രമം ആവശ്യമാണ്. അതിനാലാണ് ഓള് റൗണ്ടര് ഹാര്ദിക് പാണ്ഡ്യക്ക് രണ്ട് ടെസ്റ്റുകളില് വിശ്രമം അനുവിദിച്ചതെന്ന് കോഹ് ലി പറഞ്ഞു.
ഐസിസി ചാമ്പ്യന്സ് ട്രോഫിക്ക് ശേഷം ഹാര്ദിക് പാണ്ഡ്യ ടെസ്റ്റും ഏകദിനവും ട്വന്റി 20 യുമുള്പ്പെടെ 30 മത്സരങ്ങള് കളിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: