ശ്രീകാര്യം: രണ്ടുവൃക്കകളും തകരാറിലായി ചികിത്സയ്ക്കു വഴിയില്ലാതെ ബുദ്ധിമുട്ടുന്ന വീട്ടമ്മ സുമനസ്സുകളുടെ സഹായം തേടുന്നു. ശ്രീകാര്യം കട്ടേല കാരുണ്യ വിശാന്തിഭവനില് കഴിയുന്ന കൊച്ചുവേളി സ്വദേശിനി വിജയ മുരുകേശനാണ് (59) സഹായം തേടുന്നത്. ഇവര്ക്ക് സ്വന്തമായി വീടോ ഭൂമിയോ ഇല്ല. ആഴ്ചയില് രണ്ടുതവണ ഡയാലിസിസ് നടത്തണം. ഭര്ത്താവ് മുരുകേശന് കുറച്ചുനാള് മുമ്പ് മരിച്ചു. കുട്ടികളില്ലാത്ത ഇവര് വാടകവീട്ടില് താമസിച്ചുവരവെയായിരുന്നു വൃക്കകള് തകരാറിലായത്. ചികിത്സയ്ക്ക് പണം കണ്ടെത്താനാകാതെ കാരുണ്യ വിശാന്തി ഭവനില് അഭയം തേടിയിരിക്കുകയാണിപ്പോള്.
ആഴ്ചയില് മൂവായിരത്തിലധികം രൂപ മരുന്നിനും മറ്റ് ചെലവുകള്ക്കും വേണം. ഇവ വാങ്ങാന്പോലും സാധിക്കാത്തതിനാല് പലപ്പോഴും മരുന്നും ചികിത്സയും മുടങ്ങുന്നു. ആരോരുമില്ലാത്ത ഇവരെ സഹായിക്കുന്നതിന് എസ്ബിഐ കൊച്ചുവേളി ശാഖയില് (മില്ലെനിയം ടവര് കൊച്ചുവേളി) വിജയ മുരുകേശന്റെ പേരില് അക്കൗണ്ട് തുറന്നിട്ടുണ്ട്. അക്കൗണ്ട് നമ്പര് 67232802822 ഐഎഫ്എസ് കോഡ് എസ്ബിഐഎന് 0070424, ഫോണ്: 7736494708.
പ്രതികരിക്കാൻ ഇവിടെ എഴുതുക: