കൊച്ചി: നോട്ട് അസാധുവാക്കലും ഡിജിറ്റലൈസേഷനും രാജ്യ പുരോഗതിക്ക് ഗുണം ചെയ്തിട്ടുണ്ടെന്ന് മണപ്പുറം ഫിനാന്സ് കോര്പ്പറേറ്റ് കമ്മ്യൂണിക്കേഷന്സ് ജനറല് മാനേജര് രഞ്ജന് ശ്രീധരന്. ഇതിന്റെ കൂടുതല് ഫലം വരും വര്ഷങ്ങളില് നമുക്ക് ലഭിക്കും.
നോട്ട് നിരോധനത്തിലൂടെ കള്ളപ്പണത്തിന്റെ ഒഴുക്ക് നിയന്ത്രിക്കാനായി. അതിലൂടെ ജനങ്ങള് ബാങ്ക് സേവനങ്ങള് കൂടുതല് ഉപയോഗപ്പെടുത്താനും നിയമപരമായുള്ള പണത്തിന്റെ നിക്ഷേപവും വര്ധിച്ചു. ഇതിലൂടെ തൊഴിലില്ലായ്മ നിവാരണം ചെയ്യാനുള്ള പദ്ധതികള് ആവിഷ്ക്കരിക്കാനും കഴിഞ്ഞിട്ടുണ്ട്. സ്റ്റാര്ട്ട്അപ്പുകള് തുടങ്ങുന്നതിനും മറ്റ് ചെറുകിട വ്യവസായങ്ങള് തുടങ്ങുന്നതിനുമായി മുദ്ര ലോണ് പോലുള്ള പദ്ധതികള് ആവിഷ്കരിച്ച് ഫലവത്തായി നടപ്പാക്കാനായതും ഇതിന്റെ ഫലമാണ്.
ജനങ്ങളുടെ പണമിടപാട് ബാങ്ക് വഴിയായത് സാമ്പത്തിക വ്യവസ്ഥയെ ഗുണകരമാക്കുന്നുണ്ട്. ആധാര്, പാന്കാര്ഡ് തുടങ്ങിയവയുമായി ബന്ധിപ്പിക്കുകവഴി ബാങ്ക് ഇടപാടുകള് ലളിതമാകുന്നുണ്ട് – അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: