ചെറുതുരുത്തി: കഥകകളിക്ക് പുതിയ ആസ്വാദകരെ സൃഷ്ടിക്കാനും കഥകളിയിലെ പുതുതലമുറയ്ക്ക് അരങ്ങുപരിചയം നല്കാനും ഉതകുന്ന കഥകളി അഷ്ടകത്തിന് കലാമണ്ഡലം കൂത്തമ്പലത്തില് തിരിതെളിഞ്ഞു. എല്ലാ മാസവും ഒന്നാമത്തെയും മൂന്നാമത്തെയും ഞായറാഴ്ചകളിലാണ് കഥകളി അഷ്ടകം.
കഥകളി കലാകാരന്മാരായ കലാമണ്ഡലം വാസു പിഷാരൊടി, കലാമണ്ഡലം കെ.ജി.വാസുദേവന്, മാത്തൂര് ഗോവിന്ദന്കുട്ടി, വാഴേങ്കട വിജയകുമാര്, കലാമണ്ഡലം എം.പി.എസ്. നമ്പൂതിരി എന്നിവര് ചേര്ന്നാണ് തിരികൊളുത്തിയത്. ഭരണസമിതിയംഗം ഡോ. എന്.ആര്. ഗ്രാമപ്രകാശ് അധ്യക്ഷത വഹിച്ചു. വള്ളത്തോള് വാസന്തിമേനോന്, ഡോ. കെ.കെ.സുന്ദരേശന്, ഡോ. സി.എം. നീലകണ്ഠന്, കലാമണ്ഡലം സൂര്യനാരായണന് എന്നിവര് സംസാരിച്ചു.
തുടര്ന്ന് കോട്ടക്കല് ചന്ദ്രശേഖരന് കീചകനായും ആര്.എല്.വി. രാധാകൃഷ്ണന് സൈരന്ധ്രിയായും ഉള്ള കീചകവധം കഥകളി അരങ്ങേറി. കലാനിലയം ഉണ്ണികൃഷ്ണന്, കലാനിലയം രാജീവ് (പാട്ട്), കലാമണ്ഡലം വിജയകൃഷ്ണന്(ചെണ്ട), കോട്ടക്കല് രവി (മദ്ദളം) കലാമണ്ഡലം ശിവരാമന് (ചുട്ടി) തുടങ്ങിയവര് പങ്കെടുത്തു. 26 ന് കല്യാണസൗഗന്ധികം, ഡിസംബര് മൂന്നിന് രാവണവിജയം (രംഭാപ്രവേശം) അരങ്ങേറും.
പ്രതികരിക്കാൻ ഇവിടെ എഴുതുക: