ന്യൂദല്ഹി: സഞ്ജയ് ലീലാ ബന്സാലിയുടെ ബോളിവുഡ് ചലച്ചിത്രം പദ്മാവതിയുടെ റിലീസ് തടയണമെന്നാവശ്യപ്പെട്ട് സമര്പ്പിച്ച പൊതുതാല്പര്യ ഹര്ജി സുപ്രീം കോടതി തള്ളി. സെന്സര്ബോര്ഡിന്റെ പ്രവര്ത്തനത്തില് ഇടപെടില്ലെന്നും സുപ്രീംകോടതി അറിയിച്ചു.
അഭിഭാഷകനായ എം.എല് ശര്മ നല്കിയ ഹര്ജിയാണ് കോടതി തള്ളിയത്. പദ്മാവതിയെ അവഹേളിക്കുന്നതാണ് സിനിമയെന്നും അനുമതിയില്ലാതെ സിനിമയിലെ പാട്ടുകള് പുറത്തുവിട്ടെന്നും ഹര്ജിയില് ആരോപിക്കുന്നു. ചിത്രത്തിന് ഇതുവരെ സെന്സര് ബോര്ഡ് സര്ട്ടിഫിക്കറ്റ് നല്കിയിട്ടില്ല.
ചരിത്രം വളച്ചൊടിച്ചെന്ന ആരോപണം നേരിടുന്ന ചിത്രത്തിന്റെ റിലീസ് വൈകിപ്പിക്കണമെന്ന് ആവശ്യപ്പെട്ടു രാജസ്ഥാന് സര്ക്കാരും യുപി സര്ക്കാരും കേന്ദ്രത്തിന് കത്തയച്ചിരുന്നു. ചിത്രം പ്രദര്ശിപ്പിക്കുന്നതിനെതിരെ വിവിധ സംഘടനകളുടെ നേതൃത്വത്തില് പ്രതിഷേധം ഉയര്ന്നിരുന്നു.
പ്രതികരിക്കാൻ ഇവിടെ എഴുതുക: