തിരുവനന്തപുരം: മുന് മന്ത്രി എ.കെ. ശശീന്ദ്രന്റെ മന്ത്രിസ്ഥാനം തെറിച്ച ഫോണ്വിളിയുമായി ബന്ധപ്പെട്ട് സര്ക്കാര് നിയോഗിച്ച ജസ്റ്റീസ് ആന്റണി കമ്മീഷന് മുഖ്യമന്ത്രിക്ക് റിപ്പോര്ട്ട് സമര്പ്പിച്ചു. രണ്ടു വാല്യങ്ങളിലായി 405 പേജുള്ള റിപ്പോര്ട്ടാണ് സമര്പ്പിച്ചത്. മാധ്യമങ്ങള്ക്കുള്ള മാര്ഗ നിര്ദേശങ്ങളും റിപ്പോര്ട്ടിലുണ്ട്.
റിപ്പോര്ട്ടിന്റെ ഉള്ളടക്കത്തെ കുറിച്ച് വിശദീകരിക്കാന് മുന് ജില്ലാ ജഡ്ജി പി.എസ്. ആന്റണി കമ്മീഷന് തയാറായില്ല. സമഗ്രമായ റിപ്പോര്ട്ടില് ശശീന്ദ്രന് കുറ്റക്കാരനാണോ എന്ന് ഇപ്പോള് പറയാനാകില്ല. ഫോണ്വിളിയുടെ സാഹചര്യവും ശബ്ദ രേഖയുടെ വിശ്വാസ്യതയെ കുറിച്ചും പരിശോധിച്ചു. നിയമനടപടികളെ കുറിച്ചു റിപ്പോര്ട്ടില് ശുപാര്ശ ചെയ്യുമെന്നും കമ്മീഷന് പറഞ്ഞു.
പ്രതികരിക്കാൻ ഇവിടെ എഴുതുക: