കണ്ണൂര്: കാസര്കോട്, കണ്ണൂര്, വയനാട് ജില്ലകളും മാഹിയും ഉള്പ്പെടുന്ന ലയണ്സ് ഡിസ്ട്രിക്റ്റ് 318 ഇ കൂത്തുപറമ്പ് മുനിസിപ്പാലിറ്റിയുടെ സഹകരണത്തോടെ കൂത്തുപറമ്പ് ലയണ്സ് ക്ലബ്ബിന്റെ നേതൃത്വത്തില് നവംബര് 24 മുതല് ഡിസംബര് 1 വരെ കൂത്തുപറമ്പ് ടൗണ് സ്ക്വയറില് സൗജന്യ കൃത്രിമ കാല് വിതരണ ക്യാമ്പ് സംഘടിപ്പിക്കുന്നു. ജന്മനാ വൈകല്ല്യമുള്ളവര്ക്കും അപകടങ്ങള്, പ്രമേഹം എന്നിവയിലൂടെ കാലുകള് നഷ്ടപ്പെട്ടവര്ക്കും സൗജന്യമായി കാലുകള് നിര്മ്മിച്ച് നല്കും. കൃത്രിമ കാല് നിര്മ്മാണ രംഗത്ത് വിദഗ്ദരായ ചെന്നൈയിലെ മുക്തി ദാദാ ഫൗണ്ടേഷന്റെ സഹകരണത്തോടെയാണ് പദ്ധതി നടപ്പിലാക്കുക.
70 വയസ്സ് വരെ പ്രായമായവര്ക്ക് കാലുകള്ക്ക് വേണ്ടി അപേക്ഷിക്കാം. അപേക്ഷകരുടെ വിവരങ്ങള്, പാസ്പോര്ട്ട് സൈസ് ഫോട്ടോ, തിരിച്ചറിയല് രേഖയുടെ പകര്പ്പ്, മൊബൈല് നമ്പര് എന്നിവ ക്യാമ്പില് പങ്കെടുക്കുന്നവര് ഹാജരാക്കണം. 24 ന് ഗുണഭോകാതാക്കളുടെ കാലിന്റെ അളവടുക്കുകയും തുടര്ന്ന് ക്യാമ്പില് സാങ്കേതിക വിദഗ്ദര് കാല് നിര്മ്മിച്ചതിന് ശേഷം അഞ്ചാം ദിവസം കാലുകള് വിതരണം ചെയ്യും.
24 ന് രാവിലെ 10 മണിക്ക് ലയണ്സ് ഡിസ്ട്രിക്റ്റ് ഗവര്ണ്ണര് അഡ്വ.ഡെന്നീസ് തോമസ് ഉദ്ഘാടനം ചെയ്യും. ക.മുരളീധരന് അധ്യക്ഷത വഹിക്കും. കൂത്തുപറമ്പ് നഗരസഭാ ചെയര്മാന് എം.സുകുമാരന് വിശിഷ്ടാതിഥിയാകും. ഫോണ്: 9447036102, 9447952574.
ലയണ്സ് ഡിസ്ട്രിക്റ്റ് ചീഫ് അഡീഷണല് ക്യാബിനറ്റ് സെക്രട്ടറി കെ.സുരേഷ് ബാബു, ലയണ്സ് ഡിസ്ട്രിക്റ്റ് അഡീഷണല് ക്യാബിനറ്റ് സെക്രട്ടറി കെ.മുരളീധരന്, ലയണ് ഡിസ്ട്രിക്റ്റ് പിആര്ഒ ഡോ.ഷിജി പി. നായര്, സോണ് ചെയര്മാന് എം.അജയ്കുമാര്, കൂത്തുപറമ്പ് ലയണ്സ് ക്ലബ്ബ് പ്രസിഡണ്ട് കെ.പ്രകാശന് എന്നിവര് വാര്ത്താസമ്മേളനത്തില് സംബന്ധിച്ചു.
പ്രതികരിക്കാൻ ഇവിടെ എഴുതുക: