ആലപ്പുഴ: ബിഎംഎസ് ജില്ലാ സമ്മേളനം ഒന്പത്, പത്ത് തീയതികളില് ചെങ്ങന്നൂരില് നടക്കുമെന്ന് ജില്ലാ സെക്രട്ടറി സി.ജി. ഗോപകുമാര് പത്രസമ്മേളനത്തില് അറിയിച്ചു.
നിലവില് 72 പഞ്ചായത്തുകളിലും ആറു നഗരസഭകളിലും പ്രവര്ത്തനം സജീവമാണ്. 40 യൂണിയനുകളിലായി ആയിരത്തോളം യൂണിറ്റുകളും ജില്ലയിലുണ്ട്. 24ന് രാവിലെ ഒന്പതിന് ജില്ലയിലെ മുഴുവന് യൂണിറ്റു കേന്ദ്രങ്ങളിലും പതാക ദിനം ആചരിക്കും. ജില്ലാ സമ്മേളനത്തിനു മുന്നോടിയായി ഡിസംബര് നാലിന് വൈകിട്ട് മൂന്നിന് ആലപ്പുഴ പുളിമൂട്ടില് റീജന്സിയില് വിവിധ ട്രേഡ് യൂണിയനുകളെ സംഘടിപ്പിച്ച് സെമിനാര് നടക്കും.
ജന്മഭൂമി ഡെപ്യൂട്ടി എഡിറ്റര് കാവാലം ശശികുമാര് മോഡറേറ്ററാകും. ബിഎംഎസ് ജില്ലാ പ്രസിഡന്റ് ബി. രാജശേഖരന് അദ്ധ്യക്ഷനാകും. അഞ്ചിന് വൈകിട്ട് നാലിന് ചെങ്ങന്നൂര് നഗരത്തില് വിളംബര ജാഥ നടക്കും. ഒന്പതിന് വൈകിട്ട് 3.30ന് ശക്തിപ്രകടനം ചെങ്ങന്നൂര് ഐടിഐ ജങ്ഷനില് നിന്നാരംഭിച്ച് മാര്ക്കറ്റ് റോഡില് സമാപിക്കും.
തുടര്ന്ന് പൊതുസമ്മേളനം സംസ്ഥാന വൈസ് പ്രസിഡന്റ് കെ.കെ. വിജയകുമാര് ഉദ്ഘാടനം ചെയ്യും. വൈസ് പ്രസിഡന്റ് സി. ഉണ്ണികൃഷ്ണന് ഉണ്ണിത്താന് മുഖ്യപ്രഭാഷണം നടത്തും. രാത്രി ഒന്പതിന് വിഭാഗ് കാര്യാലയത്തില് ബിഎംഎസ് ജില്ലാ ഭാരവാഹിയോഗം.
പത്തിന് രാവിലെ മാരുതി ഓഡിറ്റോറിയത്തിലാണ് സമ്മേളന പരിപാടികള്. രാവിലെ പത്തിന് പ്രതിനിധി സമ്മേളനം സംസ്ഥാന ജനറല് സെക്രട്ടറി എം.പി. രാജീവന് ഉദ്ഘാടനം ചെയ്യും. വൈസ് പ്രസിഡന്റുമാരായ അഡ്വ. എം.പി. ഭാര്ഗ്ഗവന്,അഡ്വ. എസ്. ആശാമോള് എന്നിവര് ആശംസകള് അര്പ്പിക്കും. 11.30ന് സംഘടനാ റിപ്പോര്ട്ടും സാമ്പത്തിക റിപ്പോര്ട്ടും അവതരിപ്പിക്കും.
തൊഴിലാളി ക്ഷേമ ബോര്ഡുകളുടെ പ്രവര്ത്തനം കാര്യക്ഷമമാക്കുക, പരമ്പരാഗത വ്യവസായങ്ങള് സംരക്ഷിക്കു, സംസ്ഥാന സര്ക്കാരിന്റെ തൊഴിലാളി വിരുദ്ധ സമീപനം തിരുത്തുക, ഫെയര് വേജസ് നടപ്പാക്കുക തുടങ്ങിയ പ്രമേയങ്ങള് അവതരിപ്പിക്കും. ഉച്ചയ്ക്കു ശേഷം സംഘടനാ ചര്ച്ച സംസ്ഥാന വൈസ് പ്രസിഡന്റ് ബി. ശിവജി സുദര്ശന് നയിക്കും.
തുടര്ന്ന് പുതിയ ഭാരവാഹി തെരഞ്ഞെടുപ്പ്, സമാപന സമ്മേളനം. സമാപന സമ്മളനത്തില് സംസ്ഥാന സംഘടനാ സെക്രട്ടറി സി.വി.രാജേഷ് പ്രഭാഷണം നടത്തും. പത്രസമ്മേളനത്തില് ജില്ലാ പ്രസിഡന്റ് ബി. രാജശേഖരന്, ജില്ലാ ഖജാന്ജി ബിനീഷ് ബോയ് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: