കോട്ടയം: മലയാളികളുടെ സ്വകാര്യ ജീവിതത്തില് ജാതിക്ക് അതിരില്ലാത്ത പ്രാധാന്യം ഉണ്ടെന്ന് സണ്ണി എം. കപീക്കാട്. തിരുനക്കരയില് നടന്ന ദര്ശന പുസ്തകമേളയില് ‘ഭൂമി, അധികാരം, ജനാധിപത്യം’ എന്ന വിഷയത്തെക്കുറിച്ച് സംസാരിക്കുകയായിരുന്നു അദ്ദേഹം. കേരളത്തില് അതിവിപുലമായ ഉച്ചനീചത്വം ഇപ്പോഴും നിലനില്ക്കുന്നുണ്ട്. മലയാളികളുടെ പ്രധാനപ്പെട്ട കാര്യങ്ങള് നിര്ണ്ണയിക്കപ്പെടുന്നതില് ജാതിക്ക് പങ്കുണ്ടെന്നും അദ്ദേഹം പറഞ്ഞു. ഭൂമാഫിയയുടെ കയ്യില്നിന്നും ഭൂമിയെ സംരക്ഷിക്കണമെന്നും നീതിപൂര്വ്വമായ ഭൂവിതരണത്തലൂടെ മാത്രമേ ഭൂസംരക്ഷണം സാധ്യമാകൂ എന്ന് അദ്ദേഹം അഭിപ്രായപ്പെട്ടു. തുടര്ന്ന് പ്രബന്ധം അവതരിപ്പിച്ച രാജേഷ് കോമത്ത് ജാതിശ്രേണി എങ്ങനെ ഭൂമിയുമായി ബന്ധപ്പെടുന്നുവെന്ന് വിവരിച്ചു. സണ്ണി എം. കപീക്കാട്ട് എഴുതിയ ‘ജനത ജനാധിപത്യം” എന്ന പുസ്തകം സംസ്കൃത സര്വ്വകലാശാല വൈസ് ചാന്സിലര് പ്രൊഫ. ധര്മ്മരാജ് ആടാട്ട് പ്രകാശനം ചെയ്തു. സംസ്കൃത സര്വ്വകലാശാലയിലെ പ്രൊഫ. പി. ആശാലത, ജി. ചന്ദ്രവദന എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: