കോട്ടയം: കുമാരനല്ലൂര് ദേവീക്ഷേത്രത്തിലെ ഉത്സവത്തിന് 25ന് കൊടിയേറുമെന്ന് ഭാരവാഹികള് പത്രസമ്മേളനത്തില് പറഞ്ഞു. ഡിസംബര് ഒന്നിന് അശ്വതി തിരുമുല്ക്കാഴ്ചയും മൂന്നിന് തൃക്കാര്ത്തിക ദര്ശനവും നടക്കും. 26, 28, ഡിസംബര് 2 എന്നീ ദിവസങ്ങളില് ഉച്ചയ്ക്ക് 2ന് ഉത്സവബലി ദര്ശനം ഉണ്ടാവും. നാലിന് ആറാട്ടോടെ ഉത്സവം സമാപിക്കും.
25ന് വൈകിട്ട് 4ന്് തന്ത്രി കടിയക്കോല് കൃഷ്ണന് നമ്പൂതിരിയുടെ മുഖ്യകാര്മികത്വത്തിലാണ് കൊടിയേറ്റ്. മധുരമന അച്യുതന് നമ്പൂതിരി, മേല്ശാന്തി മേച്ചിപ്പുറം വിഷ്ണുപ്രസാദ് എന്നിവര് സഹകാര്മ്മികരാകും. 6ന് സാംസ്കാരിക സമ്മേളനത്തില് ഉത്സവകമ്മറ്റി കണ്വീനര് ബാബുരാജ് അദ്ധ്യക്ഷനാകും. മള്ളിയൂര് പരമേശ്വരന് നമ്പൂതിരിക്ക് ദേവി കാര്ത്യായനി പുരസ്കാരം ദേവസ്വം ഭരണാധികാരി സി.എന്. ശങ്കരന് നമ്പൂതിരി സമ്മാനിക്കും. കലാപരിപാടികളുടെ ഉദ്ഘാടനം ഐശ്വര്യ രാജീവ് നിര്വഹിക്കും. തുടര്ന്ന് മോഹിനിയാട്ടം, ഭക്തിഗാനമേള. 26ന് തുള്ളല് ദ്വയം, ഇരട്ടതായമ്പക, കപില വേണുവിന്റെ നങ്ങ്യാര്കൂത്ത്, മോഹിനിയാട്ടക്കച്ചേരി, നൃത്തനൃത്യങ്ങള്, മോഹിനിയാട്ടം.
27ന് ഡോ. സുജാവേണുഗോപാലിന്റെ മോഹിനിയാട്ടം. 28ന് രാത്രി 8ന് പിന്നണി ഗായിക കെ.എസ്. ചിത്രയെ ആദരിക്കല്. ഗാനരചയിതാവ് എ.വി. വാസുദേവന് പോറ്റി, സംഗീത സംവിധായകന് കെ.ജി. ജയന് (ജയവിജയ) എന്നിവര് സന്നിഹിതരാകും. തുടര്ന്ന് ഫ്യൂഷന് മ്യൂസിക്കല് നൈറ്റ്. 29ന് ഡോ.സ്മിത പിഷാരടിയുടെ സംഗീതസദസ്സ്, മേജര് സെറ്റ് കഥകളി-സീതാസ്വയംവരം. 30ന് കുത്തിയോട്ടപ്പാട്ടും ചുവടുവയ്പും, കഥകളി-നളചരിതം ഒന്നാം ദിവസം, ദക്ഷയാഗം.
ഡിസംബര് 1ന് ഉച്ചയ്ക്ക് 12ന് അശ്വതി തിരുമുല്ക്കാഴ്ച, മട്ടന്നൂര് ശ്രീരാജ്, ചിറയ്ക്കല് നിധീഷ് എന്നിവരുടെ ഇരട്ട തായമ്പക, അശ്വതി വിളക്ക്, മിഴാവില് തായമ്പക, ശ്രുതിബാലയുടെ നൃത്താഞ്ജലി. 2ന് മീനപ്പൂര പൊന്നാനദര്ശനം, ഭരണിവിളക്ക്, ഭരണിമേളം, ഓട്ടന്തുള്ളല്, കവിയരങ്ങ്, ഭക്തിഗാനസുധ,നൃത്തസമന്വയം.
3ന് പുലര്ച്ചെ 3 മുതല് തൃക്കാര്ത്തിക ദര്ശനം. രാവിലെ 9 മുതല് തൃക്കാര്ത്തിക പ്രസാദമൂട്ട്, രാവിലെ 8.30 മുതല് 2വരെ ആറാട്ട് തിരിച്ചെഴുന്നെള്ളിപ്പ്, വൈകിട്ട് 5.30ന് ദേശവിളക്ക്, പഴുവില് രഘുമാരാരുടെ പാണ്ടിമേളം, തിരുവിഴ ജയശങ്കറിന്റെ നാഗസ്വരം, പള്ളിവേട്ട, ആര്എല്വി പ്രദീപിന്റെ ദേവനടനം, ‘മദ്ധ്യമവ്യായോഗം’ സംസ്കൃത നാടകം, ഭക്തിഗാനമേള. 4ന് ഉച്ചയ്ക്ക് 12.30ന് നട്ടാശ്ശേരി ഇടത്തിന് മണപ്പുറത്തേക്ക് ആറാട്ട് എഴുന്നെള്ളിപ്പ്, എസ്.പി. ബിജു മല്ലാരിയുടെ വയലിന് ഫ്യൂഷന്, വൈക്കം വേല്മുരുക കാവടിസംഘത്തിന്റെ പകല്മേളം, കേരളനടനം, സംഗീതസദസ്സ്, ബാലെ, ആറാട്ട് എതിരേല്പ്പ് എന്നിവയാണ് പ്രധാന പരിപാടികള്.
പത്രസമ്മേളനത്തില് ക്ഷേത്രം ഭരണാധികാരി സി.എന്.ശങ്കരന് നമ്പൂതിരി, ഊരാണ്മയോഗം വൈസ് പ്രസിഡന്റ് കെ.എ.മുരളി,മണിക്കുട്ടന് നമ്പൂതിരി,ജനറല് കണ്വീനര് കെ.എസ്.ബാബുരാജ്,പബ്ലിസിറ്റി കണ്വീനര് ആനന്ദക്കുട്ടന് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: