കൊച്ചി: നടിയെ ആക്രമിച്ച കേസില് വിചാരണ വേഗത്തിലാക്കാന് അന്വേഷണ സംഘത്തിന്റെ തീരുമാനം. വിചാരണ ഒരു വര്ഷത്തിനുള്ളില് തീര്ക്കാനാണ് ധാരണ. വൈകിയാല് സാക്ഷികള് കൂറുമാറാന് സാധ്യതയുണ്ടെന്ന നിയമോപദേശത്തിന്റെ അടിസ്ഥാനത്തിലാണ് ഇത്.
പ്രത്യേക കോടതി വേണമെന്നും ആവശ്യപ്പെടും. ഇക്കാര്യം സര്ക്കാരിനോട് ആവശ്യപ്പെടാന് അന്വേഷണ സംഘം തീരുമാനിച്ചു. അതേസമയം കുറ്റപത്രത്തിലെ കൂടുതല് വിവരങ്ങള് പുറത്തു വരുന്നു.. കൃത്യത്തിന് ശേഷവും ദിലീപ് നടിയെ പൊതുസമൂഹത്തിന് മുന്നില് അപമാനിച്ചു. ഇതിന് സിനിമാ മേഖലയിലെ പല പ്രമുഖരെയും ഉപയോഗപ്പെടുത്തിയെന്ന് കുറ്റപത്രത്തില് പറയുന്നു.
കേസില് നടന് ദിലീപ് എട്ടാം പ്രതിയാണ്. ദിലീപിന്റെ മുന്ഭാര്യയും നടിയുമായ മഞ്ജു വാര്യരാണ് പ്രധാന സാക്ഷി. ആകെ 14 പ്രതികള്, രണ്ടുപേര് മാപ്പുസാക്ഷികള്. നടിയോടുള്ള ദിലീപിന്റെ വ്യക്തിവൈരാഗ്യമാണ് ആക്രമണത്തിനു പിന്നിലെന്നും അങ്കമാലി മജിസ്ട്രേറ്റ് കോടതിയില് കഴിഞ്ഞ ദിവസം സമര്പ്പിച്ച കുറ്റപത്രത്തില് പോലീസ് വ്യക്തമാക്കുന്നു.
പ്രതികരിക്കാൻ ഇവിടെ എഴുതുക: