ചങ്ങനാശ്ശേരി: തൃക്കൊടിത്താനം കറുകച്ചാല് ഭാഗങ്ങളില് നടത്തിയ റെയ്ഡില് ലക്ഷങ്ങള് വിലയുള്ള 4500 പായ്ക്കറ്റ് നിരോധിത പുകയില ഉല്പന്നങ്ങള് പിടിച്ചെടുത്തു. ജില്ലാപോലീസ് മേധാവിക്ക് കിട്ടിയ രഹസ്യവിവരത്തിന്റെ അടിസ്ഥാനത്തിലാണ് പരിശോധന നടത്തിയത്. ഹാന്സുമായി തൃക്കൊടിത്താനം മുക്കാട്ടുപടി മതില്പ്പുറം വിശ്വംഭരന്(55), കോട്ടമുറി മാടത്തെരുവി കല്ലായി വീട്ടില് നൗഫല്(29),തൃക്കൊടിത്താനം ആരമലക്കുന്ന് പുളിക്കപറമ്പില് നാസിം(25)കറുകച്ചാല് പതാലില് സജികുമാര്(42) എന്നിവരെയാണ് പോലീസ് അറസ്റ്റ് ചെയ്തത്. വിശ്വംഭരന്റെ കടയില് നിന്നാണ് ആദ്യം 200 പാക്കറ്റ് നിരോധിത പുകയില ഉല്പന്നം പിടിച്ചത്. ചോദ്യം ചെയ്തപ്പോള് വീട്ടില് സൂക്ഷിച്ചിട്ടുണ്ടെന്നും പറഞ്ഞു. വീട്ടില് നിന്നും 800 പായ്ക്കറ്റുകള് കൂടി കണ്ടെടുത്തു. വിശ്വംഭരന് സാധനമെത്തിക്കുന്ന നൗഫലിനെയും സഹായി നാസിമിനെയും പോലീസ് ഹാന്സ് വേണമെന്ന് ആവശ്യപ്പെട്ട് വിളിച്ചു വരുത്തി അറസ്റ്റ് ചെയ്യുകയായിരുന്നു. ഇവര് എത്തിയ വാഹനത്തില് നിന്നും 800 പായ്ക്കറ്റുകളും പിടിച്ചെടുത്തു. കറുകച്ചാലില് കട നടത്തുന്ന സജികുമാറിന്റെ കടയിലും വീട്ടിലും നടത്തി പരിശോധനയില് 200ൂ പായ്ക്കറ്റ് ഹാന്സാണ് പിടിച്ചെടുത്തത്. പിടിയിലായവരെ ശനിയാഴ്ച കോടതിയില് ഹാജരാക്കുമെന്ന് പോലീസ് പറഞ്ഞു. ചങ്ങനാശേരി ഡിവൈഎസ്പി ആര്.ശ്രീകുമാര്,സി.ഐ കെ.പി. വിനോദ്, ഗുണ്ടാവിരുദ്ധസംഘാംഗങ്ങളായ കെ.കെ.റെജി,അന്സാരി,മണികണ്ഠന്,മനോജ് എന്നിവരുടെ നേതൃത്വത്തിലാണ് പോലീസ് പ്രതികളെ പിടികൂടിയത്.
പ്രതികരിക്കാൻ ഇവിടെ എഴുതുക: