വണ്ടാനം: മെഡിക്കല് കോളേജ് ആശുപത്രി വളപ്പിലെ അനധികൃത പാര്ക്കിങ് ആംബുലന്സുകള് ഉള്പ്പെടെയുള്ള വാഹനങ്ങള്ക്ക് ഗാതാഗത തടസ്സം സൃഷ്ടിക്കുന്നു. അത്യാഹിത വിഭാഗത്തിന്റെ പരിസര പ്രദേശങ്ങളില് നിരവധി വാഹനങ്ങളാണ് അനധികൃതമായി പാര്ക്ക് ചെയ്യുന്നത്.
കോടികളുടെ ഫണ്ട് ആശുപത്രി വികസന സമിതിയ്ക്കുണ്ടെങ്കിലും പാര്ക്കിങ് ഏരിയ തിരിച്ച് വാഹനങ്ങള് പാര്ക്ക് ചെയ്യുന്നതിനായുള്ള സംവിധാനം ഏര്പ്പെടുത്തുന്നില്ല. ആശുപത്രി അത്യാഹിതത്തിന് മുന്ഭാഗം ഇരുവശങ്ങളിലായി രണ്ട് ഏക്കറിലധികം സ്ഥലമാണ് പുല്ലുപിടിച്ചു കിടക്കുന്നത്.
ഇത് മുമ്പ് പൂന്തോട്ടമായിരുന്നങ്കിലും ഇപ്പോള് ഇത് പുല്തോട്ടമായി മാറിയിരിക്കുകയാണ്. ഇവിടെ പാര്ക്കിങ് ഏരിയ നിര്മ്മിച്ചു നല്കിയാല് ഗതാഗത കുരുക്ക് ഒഴുവാകുകയും രോഗികളുമായി എത്തുന്ന വാഹനങ്ങള് കുരുക്കില് നിന്ന് ഒഴിവാകുകയും ചെയ്യും.
പ്രതികരിക്കാൻ ഇവിടെ എഴുതുക: