അമ്പലപ്പുഴ: പുന്നപ്ര മില്മ ഡയറിയില് സന്ദര്ശകരുടെ വന് തിരക്ക് ധവളവിപ്ലവത്തിന്റെ പിതാവായ ഡോ. വര്ഗീസ് കുര്യന്റെ ജന്മദിനം ക്ഷീരദിനമായി ആചരിക്കുന്നതിന്റെ ഭാഗമായാണ് മില്മ സന്ദര്ശിക്കാന് പൊതുജനത്തിന് അവസരമൊരുക്കിയത്. ആദ്യ ദിവസമായ ഇന്നലെ സ്കൂള് വിദ്യാര്ത്ഥികളടക്കം ആയിരക്കണക്കിനു പേരാണ് മില്മയുടെ പ്രവര്ത്തനം മനസിലാക്കാന് എത്തിയത്. പാല്, പാല് ഉല്പ്പന്നങ്ങള് എന്നിവയുടെ ഉല്പ്പാദനവും സംസ്കരണവും നേരിട്ടറിയാനുള്ള അവസരമാണ് മില്മ ഒരുക്കിയത്. ജില്ലയുടെ വിവിധ ഭാഗങ്ങളില് നിന്നുള്ള പൊതു ജനവും ഇന്നലെ സന്ദര്ശനത്തിനെത്തിയിരുന്നു. മില്മയുടെ ഉല്പ്പന്നങ്ങള് കുറഞ്ഞ വിലക്ക് ലഭ്യമാകുന്ന സ്റ്റാളുകളും മില്മ ഒരുക്കിയിരുന്നു. ഇന്ന് വൈകിട്ട് നാലു വരെ മില്മ സന്ദര്ശിക്കാമെന്ന് അധികൃതര് അറിയിച്ചു.
പ്രതികരിക്കാൻ ഇവിടെ എഴുതുക: