കൊച്ചി : റിയല് എസ്റ്റേറ്റ് ബ്രോക്കര് രാജീവിനെ കൊലപ്പെടുത്തിയ കേസില് അഡ്വ സിപി ഉദയഭാനു നല്കിയ ജാമ്യാപേക്ഷയില് നാളെ വാദം തുടരും. ഇന്നലെ ഹൈക്കോടതി ഹര്ജി പരിഗണിക്കവെ കേസ് ഡയറിയും കേസില് നിര്ണായക തെളിവുകളായ ഫോണ്കോള് രേഖകളും പ്രോസിക്യൂഷന് കോടതിയില് സമര്പ്പിച്ചു.
2017 സെപ്തംബര് 29 നാണ് നെടുമ്പാശേരി നായത്തോട് സ്വദേശി രാജീവിനെ ചാലക്കുടിയിലെ വാടക വീട്ടില് കൊല്ലപ്പെട്ട നിലയില് കണ്ടെത്തിയത്. റിയല് എസ്റ്റേറ്റിലെ സാമ്പത്തിക തര്ക്കമാണ് കൊലയ്ക്ക് കാരണമെന്ന് പ്രോസിക്യൂഷന് ആരോപിക്കുന്നു.
കൊല്ലപ്പെട്ട രാജീവും ഉദയഭാനുവുമായി സാമ്പത്തിക ഇടപാടുകള് ഉണ്ടായിരുന്നെന്നും പാലക്കാട്ട് ഭൂമി വാങ്ങാന് അഡ്വാന്സ് നല്കിയ പണം ഇടപാട് നടക്കാത്തതിനെത്തുടര്ന്ന് തിരികെ ലഭിക്കാന് ഉദയഭാനു ഇയാളെ ഭീഷണിപ്പെടുത്തിയെന്നും ആരോപണമുണ്ട്. കൊലപാതകം, ഗൂഢാലോചന തുടങ്ങിയ കുറ്റങ്ങള് ചുമത്തി നവംബര് ഒന്നിനാണ് ഉദയഭാനുവിനെ അറസ്റ്റ് ചെയ്തത്.
പ്രതികരിക്കാൻ ഇവിടെ എഴുതുക: