ചേര്ത്തല: ഭക്തജനസമിതിയുടെ നേതൃത്വത്തില് ക്ഷേത്രത്തില് നടത്തിയ അന്നദാനം തടഞ്ഞു. പ്രതിഷേധം വ്യാപകം. ചാരമംഗലം ഇല്ലത്തുവെളി ക്ഷേത്രത്തിലെ അന്നദാനമാണ് ക്ഷേത്രഭരണസമിതി പ്രവര്ത്തകര് പോലീസിന്റെ സഹായത്തോടെ തടഞ്ഞത്. തുടര്ന്ന് സമീപത്ത് താമസിക്കുന്ന ക്ഷേത്രം പൂജാരിയുടെ വീട്ടില് അന്നദാനത്തിനുള്ള ക്രമീകരണങ്ങള് ഒരുക്കുകയായിരുന്നു. നാളുകളായി ഇവിടെ ഭക്തജനങ്ങളും ഭരണസമിതിയും തമ്മിലുള്ള തര്ക്കങ്ങള് തുടരുകയാണ്. 2016 നവംബര് 25 ന് ക്ഷേത്രത്തിലെ പൂജാരിയായിരുന്ന രാമചന്ദ്രനെ സമീപത്തെ കുളത്തില് മരിച്ച നിലയില് കണ്ടെത്തിയിരുന്നു. ഇത് കൊലപാതകമാണെന്ന് നേരത്തെ വിമര്ശനമുയര്ന്നിരുന്നു. കേസ് അന്വേഷണം പിന്നീട് ക്രൈം ബ്രാഞ്ചിന് കൈമാറി.
പ്രതികരിക്കാൻ ഇവിടെ എഴുതുക: