ശ്രീനഗര്: ജമ്മു കശ്മീരിലെ ബഡ്ഗാമില് ഭീകരാക്രമണം. ഭീകരര് ഒളിച്ചിരിക്കുന്നതായി വിവരം ലഭിച്ചതിനെ തുടര്ന്ന് സുരക്ഷാസേന പരിശോധന നടത്തുന്നതിനിടയില് സൈന്യത്തിനു നേരെ ഭീകരര് വെടിയുതിര്ക്കുകയായിരുന്നു.
വ്യാഴാഴ്ച പുലര്ച്ചെ തുടങ്ങിയ ഏറ്റുമുട്ടലില് സൈന്യം രണ്ട് ഭീകരരെ വധിച്ചെന്നാണ് വിവരം.
ജമ്മു കശ്മീർ പോലീസും സൈന്യവും സംയുക്തമായാണ് ഭീകരരെ നേരിടുന്നത്. സംഭവത്തെ തുടര്ന്നു ബഡ്ഗാമില് ഇന്റര്നെറ്റ് സേവനങ്ങള്ക്ക് അധികൃതര് വിലക്ക് ഏര്പ്പെടുത്തിയിട്ടുണ്ട്. ഭീകരരുമായി ഏറ്റുമുട്ടല് തുടരുന്നുണ്ട് എന്നാണ് റിപ്പോര്ട്ട്.
പ്രതികരിക്കാൻ ഇവിടെ എഴുതുക: