ആലപ്പുഴ: ജില്ലയില് 2002 മുതല് ഒക്ടോബര് വരെ 3.88 ലക്ഷം പേര്ക്ക് എച്ച്ഐവി പരിശോധന നടത്തി. 1,344 പേര്ക്ക് അണുബാധ സ്ഥിരീകരിച്ചു. 2014 ഒക്ടോബര് വരെ 1,137 പേര്ക്കാണു രോഗബാധ സ്ഥിരീകരിച്ചത്. 2015 ല് 71 പേര്ക്കും 2016 ല് 61 പേര്ക്കും ഈ വര്ഷം ഇതുവരെ 75 പേര്ക്കും രോഗബാധ സ്ഥിരീകരിച്ചിട്ടുണ്ട്.
ലോക എയ്ഡ്സ് ദിനാചരണത്തിന്റെ ജില്ലാതല ഉദ്ഘാടനം ഇന്നു രാവിലെ പത്തിനു മുതുകുളം ബ്ലോക്ക് പഞ്ചായത്ത് ഹാളില് ജില്ലാ പഞ്ചായത്ത് പ്രസിഡന്റ് ജി. വേണുഗോപാല് നിര്വഹിക്കും. ഒന്പതിനു ബോധവല്ക്കരണ റാലിയും നടക്കും.
നാടന് കലകളിലൂടെ എയ്ഡ്സ് ബോധവല്ക്കരണം നടത്തുന്നതിനുള്ള ഫോക്ക് കാമ്പയിന് 11 വരെ വിവിധ ബ്ലോക്ക് പഞ്ചായത്തുകളിലായി നടക്കും. ഇന്ന് രാവിലെ എട്ടരയ്ക്ക് ആലപ്പുഴ കെഎസ്ആര്ടിസി സ്റ്റാന്ഡില് ടാര്ജറ്റ് ഇന്റര്വെന്ഷന് ഗ്രൂപ്പിന്റെ നേതൃത്വത്തില് ചുവപ്പ് റിബണ് അണിയിക്കും.
ഒപ്പു ശേഖരണം, ബോധവല്ക്കരണം എന്നിവയുണ്ടാകും. എച്ച്ഐവി ബാധിതരോടുള്ള വിവേചനം ഇല്ലാതാക്കുന്നതിനു സ്കൂളുകള്, കോളജുകള്, സര്ക്കാര്, സ്വകാര്യ സ്ഥാപനങ്ങള്, ബാങ്കുകള്, റെയില്വേ സ്റ്റേഷന്, ബസ് സ്റ്റാന്ഡ് എന്നിവിടങ്ങളില് നാലിനു പ്രതിജ്ഞ ചൊല്ലും.
മെഡിക്കല് കോളജ്, ജില്ലാ ആശുപത്രികള്, ജനറല് ആശുപത്രികള്, താലൂക്ക് ആശുപത്രികള്, ചില സ്വകാര്യ ആശുപത്രികളും ഇഎസ്ഐ ആശുപത്രികളും, പ്രധാന ജയിലുകള് എന്നിവയുള്പ്പെടെ പ്രധാന കേന്ദ്രങ്ങളില് എച്ച്ഐവി പരിശോധന സൗജന്യമായി നടത്തുന്നതിനുള്ള ‘ജ്യോതിസ്’ കേന്ദ്രങ്ങളുണ്ട്.
പ്രതികരിക്കാൻ ഇവിടെ എഴുതുക: