തിരുവനന്തപുരം: ഓഖി ചുഴലിക്കാറ്റില് ആശങ്ക അനുഭവിക്കുന്ന പൂന്തുറ തീരത്ത് കോണ്ഗ്രസിന്റെ നാടകം. ദുരന്തത്തില്പ്പെട്ടവരെ സഹായിക്കുന്നതിന് പകരം രാഷ്ട്രീയം കലര്ത്തുകയാണ് ഇവര്. രാവിലെ പൂന്തുറയിലെ കടല്ക്ഷോഭ പ്രദേശങ്ങള് സന്ദര്ശിച്ച പ്രതിപക്ഷ നേതാക്കള് സ്ഥിതി അതീവ ഗുരുതരമാണെന്നും അടിയന്തര നടപടികള് എത്രയും പെട്ടെന്ന് സര്ക്കാര് കൈകൊള്ളണമെന്നും ആവശ്യപ്പെട്ടു.
പ്രതിപക്ഷ നേതാവ് രമേശ് ചെന്നിത്തല, മുന് മുഖ്യമന്ത്രി ഉമ്മന്ചാണ്ടി ഉള്പ്പെട്ട സംഘമാണ് മത്സ്യതൊഴിലാളി മേഖലയില് സന്ദര്ശനം നടത്തിയത്. വിഷയത്തില് മുഖ്യമന്ത്രിയടക്കമുള്ളവരോട് സംസാരിക്കുമെന്ന് പ്രതിപക്ഷ നേതാവ് രമേശ് ചെന്നിത്തല പറഞ്ഞു. രക്ഷാ പ്രവര്ത്തനത്തില് മുന്നിട്ടിറങ്ങണമെന്നും സര്ക്കാര് അടിയന്തിരമായി ഇടപെടണമെന്നും മുന് മുഖ്യമന്ത്രി ഉമ്മന്ചാണ്ടി പ്രതികരിച്ചു.
ആരെയും കുറ്റപ്പെടുത്താന് ഈ അവസരം വിനിയോഗിക്കുന്നില്ലെന്നും വിലപ്പെട്ട ജീവനുകള് രക്ഷിക്കലാണ് പ്രധാനമെന്നും പ്രതിപക്ഷം പറയുന്നുണ്ടെങ്കിലും അവസരവാദികളാകുകയാണ് കോണ്ഗ്രസ്.
പ്രതികരിക്കാൻ ഇവിടെ എഴുതുക: