കൊച്ചി: മുന് ഡിജിപി ടി.പി സെന്കുമാറിനെതിരായ വിജിലന്സ് അന്വേഷണം ഹൈക്കോടതി റദ്ദാക്കി. അവധിയെടുക്കാന് വ്യാജ മെഡിക്കല് സര്ട്ടിഫിക്കറ്റ് ഹാജരാക്കിയെന്ന് ആരോപിച്ചുള്ള കേസിലെ നടപടി റദ്ദാക്കാന് സെന്കുമാര് നല്കിയ ഹര്ജി പരിഗണിക്കവെയായിരുന്നു കോടതി ഉത്തരവ്.
തിരുവനന്തപുരം വിജിലന്സ് കോടതി ഉത്തരവിട്ട അന്വേഷണമാണ് ഹൈക്കോടതി റദ്ദാക്കിയത്. അവധിക്കാലത്തെ മുഴുവന് ശമ്പളവും ലഭിക്കുവാന് വ്യാജ രേഖയുണ്ടാക്കിയെന്ന ആരോപണത്തില് സെന്കുമാറിനെതിരെ കേസ് രജിസ്റ്റര് ചെയ്തിരുന്നു. വ്യാജ മെഡിക്കല് സര്ട്ടിഫിക്കറ്റ് ഹാജരാക്കി അവധിയെടുത്ത് സര്ക്കാരില്നിന്ന് എട്ടുലക്ഷം രൂപ നേടിയെടുക്കാന് ശ്രമിച്ചെന്ന പരാതിയില് ചീഫ് സെക്രട്ടറിയാണ് സെന്കുമാറിനെതിരേ വിജിലന്സ് അന്വേഷണത്തിന് ശുപാര്ശ ചെയ്തത്.
കന്റോണ്മെന്റ് അസിസ്റ്റന്റ് കമ്മീഷണര്ക്കായിരുന്നു അന്വേഷണ ചുമതല. 2016 ജൂണില് സെന്കുമാറിനെ ഡിജിപി സ്ഥാനത്തുനിന്ന് നീക്കിയതിനെ തുടര്ന്ന് പിറ്റേന്നുതന്നെ അദ്ദേഹം അവധിയില് പ്രവേശിച്ചിരുന്നു. തുടര്ന്നുള്ള എട്ടുമാസങ്ങളില് പകുതി ശമ്പളത്തില് അവധി അനുവദിക്കണമെന്നു കാണിച്ച് പ്രത്യേകം അപേക്ഷ സെന്കുമാര് ചീഫ് സെക്രട്ടറിക്ക് നല്കി. അവധി കഴിഞ്ഞ് തിരിച്ചെത്തിയപ്പോഴാണ് മെഡിക്കല് ലീവായി പരിഗണിക്കാന് പ്രത്യേകം അപേക്ഷ നല്കിയത്.
ഗവ.ആയുര്വേദ കോളേജിലെ ഡോ.വി.കെ.അജിത് കുമാര് നല്കിയ എട്ട് മെഡിക്കല് സര്ട്ടിഫിക്കറ്റും ഫിറ്റ്നസ് സര്ട്ടിഫിക്കറ്റും ഒപ്പം ഹാജരാക്കി. ഈ രേഖകള് വ്യാജമാണെന്നായിരുന്നു പരാതി.
പ്രതികരിക്കാൻ ഇവിടെ എഴുതുക: