മലപ്പുറം: മലപ്പുറം താനൂര് ഉണ്യാലില് നബിദിന റാലിക്കിടെ ഇരുവിഭാഗം സുന്നി പ്രവര്ത്തകര് ഏറ്റുമുട്ടി. ആറ് പേര്ക്ക് വെട്ടേറ്റു. ഇന്ന് രാവിലെയാണ് താനൂരില് ഇ.കെ – എ.പി വിഭാഗക്കാര് തമ്മില് ഏറ്റുമുട്ടല് ഉണ്ടായത്. സംഘര്ഷത്തില് പരിക്കേറ്റവരെ തിരൂര് ജില്ലാ ആശുപത്രിയില് പ്രവേശിപ്പിച്ച ശേഷം കോഴിക്കോട് മെഡിക്കല് കോളേജിലേക്ക് മാറ്റി.
അതേസമയം, സംഘര്ഷം സിപിഎം – മുസ്ലീം ലീഗ് സംഘര്ഷമായി വളരാന് സാദ്ധ്യതയുണ്ട്. എ.പി വിഭാഗം സുന്നികള് സിപിഎം പ്രവര്ത്തകരും ഇ.കെ വിഭാഗം മുസ്ലീം ലീഗ് പ്രവര്ത്തകരുമാണ്. കഴിഞ്ഞ കാലങ്ങളില് ഇങ്ങനെയുണ്ടായിട്ടുള്ള സംഭവങ്ങള് രാഷ്ട്രീയ സംഘര്ഷമായി വളര്ന്നിട്ടുണ്ട്. ഈ സാഹചര്യത്തില് കൂടുതല് അക്രമ സംഭവങ്ങള് ഉണ്ടാകാതിരിക്കാന് കനത്ത സുരക്ഷാ സംവിധാനം ഏര്പ്പെടുത്തിയതായി പോലീസ് അറിയിച്ചു.
പ്രതികരിക്കാൻ ഇവിടെ എഴുതുക: