തലശ്ശേരി: മുപ്പതാം കേരള സയന്സ് കോണ്ഗ്രസ്സ് ജനുവരി 28 മുതല് 30 വരെ തലശ്ശേരിയില് നടക്കും. വൈറസും സാംക്രമികരോഗങ്ങളും എന്ന വിഷയം മുഖ്യപ്രമേയമാക്കി നടത്തുന്ന സയന്സ് കോണ്ഗ്രസ്സ് തലശ്ശേരി ഗവ.ബ്രണ്ണന് കോളേജിലാണ് നടക്കുക. കഴിഞ്ഞ മൂന്ന് പതിറ്റാണ്ടുകളിലായി മൂപ്പതോളം സാംക്രമിക രോഗങ്ങളില് 16 ഉം വൈറസുകള് മുഖേനയാണെന്നാണ് കണ്ടെത്തിയിട്ടുള്ളത്. സാംക്രമികരോഗങ്ങള് പൊതുജനാരോഗ്യ രംഗത്തുണ്ടാക്കുന്ന ഭീഷണി കൂടാതെ കേരളത്തിന്റെ സാമ്പത്തിക മേഖലയിലും ആഘാതം സൃഷ്ടിക്കുന്നുണ്ട്. മുപ്പതാം കേരള സയന്സ് കോണ്ഗ്രസ്സ് വൈറോളജിസ്റ്റുകള്, വിവിധ ഗവേഷണ സ്ഥാപനങ്ങളിലെ വിദഗ്ധര് എന്നിവരുടെ സഹകരണത്തോടെ വൈറസുകളെയും സാംക്രമിക രോഗങ്ങളെയും കുറിച്ച് വിശദമായി ചര്ച്ച ചെയ്ത് അവയെ നേരിടാനുള്ള തന്ത്രങ്ങള് ആവിഷ്കരിച്ച് നടപ്പാക്കാനും പദ്ധതിയുണ്ട്. ഇതുകൂടാതെ ശാസ്ത്രസാങ്കേതിക മേഖലയില് തനതായ സംഭാവനകള് നല്കിയ ഡോക്ടര് ഇ.കെ.ജാനകിയമ്മാള്, ഡോ.ജി.എന്.രാമചന്ദ്രന്, ഡോ.പി.കെ.ഗോപാലകൃഷ്ണന്, പി.ടി.ഭാസ്കരപ്പണിക്കര്, ഡോ.പി.കെ.അയ്യങ്കാര്, ഡോ.പി.ആര്.പിഷാരടി എന്നിവരെ അനുസ്മരിച്ചുകൊണ്ട് ബിഎസ്ഐ ഡയരക്ടര് ഡോ.പരംജിത്ത് സിംഗും ഐഐഎസിലെ ഡോ.മഞ്ജു ബന്സാലും മുന് കേരള ചീഫ് സെക്രട്ടറി വിജയാനന്ദ്, പ്രൊഫ.ആര്.വി.ജി.മേനോന് എന്നിവരും പ്രഭാഷണം നടത്തും.
ടെക്നിക്കല് സെക്ഷനില് കൃഷി, ബയോടെക്നോളജി, പരിസ്ഥിതിശാസ്ത്രം, ആരോഗ്യശാസ്ത്രം, ബൗധികശാസ്ത്രം തുടങ്ങി 12 ഓളം വിഷയങ്ങളില് വിദഗ്ധര് പ്രബന്ധങ്ങള് അവതരിപ്പിക്കും. കുട്ടികളുടെ സയന്സ് കോണ്ഗ്രസ്സും ബിരുദാനന്തര വിദ്യാര്ത്ഥികളുടെ മുഖാമുഖവും ദേശീയ ശാസ്ത്രപ്രദര്ശനം എന്നിവയും ഉണ്ടായിരിക്കും. ഇതുകൂടാതെ വിവിധ മേഖലകളില് പ്രാഗത്ഭ്യം തെളിയിച്ചിട്ടുളള യുവ ശാസ്ത്രജ്ഞന്മാരെ ആദരിക്കുകയും ഡോ.എസ്.വാസുദേവിന്റെ ഓര്മ്മക്കായി ഏര്പ്പെടുത്തിയ അവാര്ഡ് ദാനവും ചടങ്ങില് നടക്കും. 1050 ഓളം പ്രതിനിധികള് രജിസ്ട്രേഷന് നടത്തിയിട്ടുണ്ട്. ഇതുകൂടാതെ വിവിധ മേഖലകളിലെ യുവ ശാസ്ത്രജ്ഞര്, വിദ്യാര്ത്ഥികള് തുടങ്ങിയവരും പരിപാടിയില് പങ്കെടുക്കും. വെബ് സൈറ്റ്: ംംം.സരെ.സലൃമഹമ.ഴീ്.ശി. ഫോണ്: 9847403585.
പ്രതികരിക്കാൻ ഇവിടെ എഴുതുക: