പമ്പാവാലി: ശബരിമല തീര്ത്ഥാടനവുമായിബന്ധപ്പെട്ട് എരുമേലി-പമ്പാ തീര്ത്ഥാടന പാതയിലെ ഇതര സംസ്ഥാന വഴിയോര കച്ചവടക്കാരില് മലേറിയ പടരുന്നതായി പരാതി. തുലാപ്പള്ളി, കണമല ,കാളെകെട്ടി മേഖലകളില് തമ്പടിച്ചിരിക്കുന്ന ഇതര സംസ്ഥാന കച്ചവടക്കാരിലാണ് മലേറിയ കണ്ടെത്തിയത്. തമിഴ്നാട് , രാജസ്ഥാന് എന്നിവടങ്ങളില് നിന്നുള്ളവരാണ് വഴിയോര കച്ചവടത്തിനായി എത്തിയിരിക്കുന്നത്.
തീര്ത്ഥാടന കാലയളവില് കച്ചവടം ചെയ്യണമെങ്കില് പോലീസിന്റേയും ആരോഗ്യ വകുപ്പിന്റേയും കാര്ഡുകള് വേണമെന്ന കര്ശന നിര്ദ്ദേശം മറികടന്നാണ് നൂറിലധികം പേര് ഇവിടെ കച്ചവടം നടത്തുന്നത്. പത്തനംതിട്ട കോട്ടയം അതിര്ത്തി മേഖല ആയതിനാല് ആരോഗ്യ വകുപ്പ്, പോലീസ്, റവന്യൂ വകപ്പുകളുടെ പ്രവര്ത്തനം തൃപ്തികരമല്ലെന്നും പരാതിയുണ്ട്. അധികൃതരുടെ അടിയന്തര ശ്രദ്ധയും, ജാഗ്രതയും ഇക്കാര്യത്തില് ഉണ്ടാകണമെന്നുംനാട്ടുകാര് ആവശ്യപ്പെട്ടു .
പ്രതികരിക്കാൻ ഇവിടെ എഴുതുക: