ന്യൂദല്ഹി: ഇന്ത്യന് സൂപ്പര് ലീഗില് ഡല്ഹി ഡൈനാമോസ് ഇന്ന് ജാംഷഡ്പൂര് എഫ്സിയുമായി ഏറ്റുമുട്ടും.
ദല്ഹിയിലെ ജവഹര്ലാല് നെഹ്റു സ്റ്റേഡിയത്തില് രാത്രി എട്ടിനാണ്് മത്സരം. ഇതുവരെ നടന്ന മത്സരങ്ങളില് മൂന്ന് പോയിന്റ് വീതം നേടി ഇരു ടീമുകളും ഒപ്പത്തിനൊപ്പം നില്ക്കുകയാണ്.
മൂന്ന് മത്സരങ്ങളില് ജാംഷഡ്പൂര് ഇതുവരെ ഗോളൊന്നും നേടുകയോ വഴങ്ങുകയോ ചെയ്തട്ടില്ല. കളിച്ച മൂന്ന് മത്സരങ്ങളും സമനിലയായി.
അതേസമയം ഡല്ഹി ഒരു മത്സരത്തില് വിജയിച്ചു. രണ്ടെണ്ണത്തില് തോറ്റു. മൂന്ന് മത്സരങ്ങളില് ഏഴുഗോള് വഴങ്ങിയത് ഡല്ഹിയെ വലയ്ക്കുന്നണ്ട്. പ്രതിരോധത്തിലെ പിഴവുകളാണ് ഗോളിന് വഴിവെച്ചത്. ഇന്ന് പ്രതിരോധം ശക്തമാക്കി വിജയം പടിക്കാനുള്ള തയ്യാറെടുപ്പിലാണ് ഡല്ഹി.
കോപ്പലിന്റെ ജാംഷഡ്പൂര് ആദ്യ വിജയം തേടിയാണ് ഇന്ന് കളിക്കളത്തിലിറങ്ങുക. നോര്ത്ത് ഈസ്റ്റ് യുണൈറ്റഡ്, കേരള ബ്ലാസ്റ്റേഴ്സ്, എടികെ കൊല്ക്കത്ത ടീമുകളുമായി സമിലപിടിച്ച ജാംഷഡ്പൂര് മികച്ച കളി പുറത്തെടുക്കാനുള്ള ഒരുക്കത്തിലാണ്.
ഇതാദ്യമായി ഐഎസ്എല്ലില് മത്സരിക്കുന്ന ജാംഷഡ്പൂര് ടീമിന് ഇതുവരെ ഒത്തിണങ്ങാനായിട്ടില്ല. മുന് നിരയിലെ ബെല്ഫോര്ട്ടിനും സുകയ്ക്കും ഇതുവരെ മികച്ച പ്രകടനം കാഴ്ചവെയ്ക്കാനായിട്ടില്ല. അതേസമയം അവരുടെ പ്രതിരോധ നിര ശക്തമായി പോരാട്ടം തന്നെയാണ് കാഴ്ചവെയ്ക്കുന്നത്്.
പ്രതികരിക്കാൻ ഇവിടെ എഴുതുക: