തളിപ്പറമ്പ്: വിവിധ സ്ഥലങ്ങളില് നിന്നും ലക്ഷക്കണക്കിന് രൂപയുടെ കമ്പി മോഷ്ടിച്ച സംഘത്തിലെ പിടികിട്ടാ പുള്ളികളായ രണ്ടുപേര് അറസ്റ്റിലായി. ഇടുക്കി കരിങ്കുന്നം കുറ്റിപ്പൂവത്തുങ്കല് കെ.ശ്രീജിത്ത് (40), ഈരാറ്റുപേട്ട പാടാപുഴയിലെ ചിറ്റാരിപ്പാറ ഹൗസില് സി.സി.ബിനു (42) എന്നിവരെയാണ് തളിപ്പറമ്പ് ഡിവൈഎസ്പിയുടെ പ്രത്യേക സ്ക്വാഡ് അംഗങ്ങള് കഴിഞ്ഞ ദിവസം പിടികൂടിയത്.
2012ല് തളിപ്പറമ്പ് കുറ്റിക്കോലിലെ കെപിഎന് ട്രേഡേഴ്സിന്റെ മുന്നില് സൂക്ഷിച്ച രണ്ടരലക്ഷം രൂപ വിലവരുന്ന 4 ടണ് കമ്പി കരുവഞ്ചാല് യൂണിവേഴ്സല് അസോസിയേറ്റ്സിന്റെ മുന്നില്സൂക്ഷിച്ച ഒരുലക്ഷം രൂപ വിലവരുന്ന 20 ക്വിന്റല് കമ്പി, ശ്രീകണ്ഠപുരം പെരുവളത്തുപറമ്പിലെ അബ്ദുറസാഖിന്റെ ഉടമസ്ഥതയിലുള്ള ഹാര്ഡവേഴ്സിന്റെ പിന്ഭാഗത്ത് സൂക്ഷിച്ച പതിനാലര ക്വിന്റല് കമ്പി എന്നിവ മോഷ്ടിച്ച കേസിലെ പ്രതികളാണ് ഇവര്. ഈ കേസില് അറസ്റ്റിലായി ജാമ്യത്തിലിറങ്ങിയ ശേഷം മുങ്ങുകയായിരുന്നു ഇവര്. തുടര്ന്ന് 2014ല് കോടതി ഇവരെ പിടികിട്ടാ പുള്ളികളായി പ്രഖ്യാപിച്ചിരുന്നു. കഴിഞ്ഞ ദിവസം തൊടുപുഴ ടൗണില് വെച്ചാണ് ഇവര് പിടിയിലായത്.
പ്രതികരിക്കാൻ ഇവിടെ എഴുതുക: