പിലാത്തറ: എരമം മണ്ണുമ്മല് കാനിഞ്ചേരി ഭഗവതി ക്ഷേത്ര കളിയാട്ടം ഇന്ന് മുതല് 11 വരെ നടക്കും. ഇന്ന് ഉച്ചക്ക് 2.30 ന് രാമപുരം പടിഞ്ഞാറ്റ തറവാട്ടില് നിന്ന് കലവറ നിറയ്ക്കല് ഘോഷയാത്ര നടക്കും. രാത്രി 7.30 ന് നെടുമ്പാലി ദൈവത്തിന്റെ വെള്ളാട്ടം, 9.30 ന് നാട്ടറിവ് പാടുകള്, 10 ന് രാത്രി വെള്ളാട്ടം, തുടര്ന്ന് അരയാക്കീല് കന്നിരാശി വലിയ പടിഞ്ഞാറ്റ തറവാട്ടില് നിന്നും താലപ്പൊലി, തുടര്ന്ന് തോറ്റങ്ങള്, 11 ന് രാവിലെ തുളിക്കോലം, തൂവക്കാരന്, മോന്തിക്കോലം, കുളിയാങ്കീല് ഭഗവതി എന്നീ തെയ്യങ്ങള് എന്നിവയുണ്ടാകും. 11 മണിക്ക് നെടുബാലി ദൈവത്തിന്റെ പുറപ്പാട്, തുടര്ന്ന് വിഷ്ണുമൂര്ത്തി, കുറത്തിയമ്മ, കുണ്ടോറ ചാമുണ്ഡി, തായ്പ്പരദേവത തെയ്യങ്ങള് എന്നിവയുണ്ടാകും. ആറു മണിക്ക് കാനഞ്ചേരി ഭഗവതിയുടെ തിരുമുടി നിവരും. 12.30 ന് അന്നദാനവുമുണ്ടാകും.
പ്രതികരിക്കാൻ ഇവിടെ എഴുതുക: