ന്യൂദല്ഹി: ദല്ഹിയില് അമ്മയേയും സഹോദരിയേയും കൊലപ്പെടുത്തിയ പതിനാറുകാരനെ പോലീസ് അറസ്റ്റ് ചെയ്തു. കഴിഞ്ഞ ചൊവ്വാഴ്ചയാണ് അഞ്ജലി അഗര്വാള് (42), മകള് മണികര്ണിക എന്നിവരെ ഗ്രേറ്റര് നോയിഡയില് ഗോര് സിറ്റിയിലെ പാര്പ്പിട സമുച്ചയത്തില് കൊല്ലപ്പെട്ട നിലയില് കണ്ടെത്തിയത്.
ബാറ്റുകൊണ്ട് തലയ്ക്ക് നിരവധി തവണ അടിച്ചും കുത്തിയുമാണ് ഇരുവരെയും കൊലപ്പെടുത്തിയത്. അഞ്ജലിയുടെ തലയില് അടിയേറ്റ ഏഴ് മുറിവുകളും മണികര്ണയുടെ തലയില് അഞ്ച് മുറിവുകളുമാണ് ഉണ്ടായിരുന്നത്. മൃതദേഹത്തിന്റെ അടുത്ത് നിന്നും രക്തം പുരണ്ട കത്രിക ലഭിക്കുകയും ചെയ്തിരുന്നു.
വിദ്യാര്ഥി ഗാംഗ്സ്റ്റര് ഇന് ഹൈസ്കൂള് എന്ന ഗെയിമിന് അടിമയായിരുന്നെന്നാണ് പോലീസ് പറയുന്നത്. ഗെയിമുമായി ബന്ധപ്പെട്ട ഇലക്ട്രോണിക് ഉപകരണങ്ങള് ഇവരുടെ വീട്ടില് നിന്നും കണ്ടെത്തിയെന്നും പോലീസ് വ്യക്തമാക്കി.
കൊലയാളി ഗെയിം ബ്ലു വെയ്ലിനേക്കാള് അപകടകരമായ ഗെയിമാണ് ‘ഗാംഗ്സ്റ്റര് ഇന് ഹൈസ്കൂള്’ എന്ന ഗെയിം, മറ്റ് രാജ്യങ്ങളില് ഈ ഗെയിമിന് നിരോധനം ഏര്പ്പെടുത്തിയിരുന്നു.
പ്രതികരിക്കാൻ ഇവിടെ എഴുതുക: