മണ്ണന്തല: പോലീസ് ഉദ്യോഗസ്ഥരുടെ എണ്ണത്തില് കുറവു നേരിട്ടതുമൂലം മണ്ണന്തലയിലെ പോലീസ്സ്റ്റേഷന്റെ പ്രവര്ത്തനം അവതാളത്തില്. നിലവില് സ്റ്റേഷനിലെ ഉദ്യോഗസ്ഥരുടെ എണ്ണം 27 ആണെങ്കിലും 20 പേരെ വച്ചാണ് സ്റ്റേഷന് പ്രവര്ത്തനം മുന്നോട്ടുപോകുന്നത്. സ്റ്റേഷനിലെ രണ്ട് വനിതാജീവനക്കാരുടെയും ഒരു സീനിയര് സിവില് പോലീസ് ഓഫീസറുടെയും തസ്തികയുണ്ട്. ഈ ഒഴിവുകള് നികത്തുന്നതുമായി ബന്ധപ്പെട്ട് നിരവധി തവണ അധികൃതരുമായി ബന്ധപ്പെട്ടുവെങ്കിലും യാതൊരു നടപടിയും ഉണ്ടായിട്ടില്ല. എസ്ഐ, 3 എഎസ്ഐ, 6 എസ്സിപിഒ, 12 സിപിഒ, 4 ഡബ്ല്യുസിപിഒ, ഒരു ഡ്രൈവര് എന്നിവര് ഉള്പ്പെടുന്ന സ്റ്റേഷനില് രാത്രികാലപട്രോളിംഗ്, ക്രൈംവിംഗ്, നൈറ്റ് ഡ്യൂട്ടി തുടങ്ങിയവയ്ക്കാണ് ഉദ്യോഗസ്ഥരുടെ കുറവ് കാര്യമായി അനുഭവപ്പെടുന്നത്. ചില ജീവനക്കാര് മെഡിക്കല് ലീവില് പ്രവേശിക്കുകയാണെങ്കില് അംഗസംഖ്യ വീണ്ടും കുറയും. 18 വിദ്യാഭ്യാസസ്ഥാപനങ്ങള് ഉള്പ്പെടുന്നതാണ് മണ്ണന്തല പോലീസ്സ്റ്റേഷന് പരിധി. പട്രോളിംഗിനുള്ള ഒരു ബൈക്ക് മറ്റൊരാവശ്യത്തിനായി കൊണ്ടുപോയിരിക്കുകയാണ
പ്രതികരിക്കാൻ ഇവിടെ എഴുതുക: