മിന്നല്‍ പരിശോധന: പഴകിയ ഭക്ഷണം പിടിച്ചെടുത്തു

Saturday 9 December 2017 9:46 pm IST

പുതുക്കാട് : സുരക്ഷിതമായ കുടിവെള്ളം ഉറപ്പ് വരുത്തുന്നതിന്റെ ഭാഗമായി മേഖലയില്‍ ആരോഗ്യ വകുപ്പ് അധികൃതര്‍ പരിശോധന നടത്തി. ദേശീയപാതയോരത്തെ ഇരുവശത്തുമുള്ള തട്ടുകടകളിലും ഹോട്ടലുകളിലുമാണ് പരിശോധന നടത്തിയത്. വൃത്തിഹീനമായ സാഹചര്യത്തില്‍ അന്യസംസ്ഥാന തൊഴിലാളികളെക്കൊണ്ട് പാചകം ചെയ്തിരുന്ന തട്ടുകടകള്‍ക്കും ഹോട്ടലുകള്‍ക്കും അധികൃതര്‍ നോട്ടീസ് നല്‍കി. ഹെല്‍ത്ത് കാര്‍ഡ് ഇല്ലാതെയാണ് അന്യസംസ്ഥാന തൊഴിലാളികള്‍ ഹോട്ടലുകളിലും തട്ടുകടകളിലും ജോലി ചെയ്തിരുന്നതെന്ന് കണ്ടെത്തി. മൂന്ന് ദിവസം പഴക്കം ചെന്ന 300 പൊറോട്ട,പഴക്കം ചെന്ന ഇറച്ചിക്കറികള്‍, ഭക്ഷണ പദാര്‍ത്ഥങ്ങള്‍ എന്നിവ പിടിച്ചെടുത്തു.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.