കൊച്ചി: നിയമവിദ്യാര്ത്ഥിനി ജിഷയെ ക്രൂരമായി പീഡിപ്പിച്ച് കൊലപ്പെടുത്തിയ കേസില് എറണാകുളം പ്രിന്സിപ്പല് സെഷന്സ് കോടതിയില് വിചാരണ തുടങ്ങിയത് ഏപ്രില് നാലിന്. 293 രേഖകളും 36 തൊണ്ടിമുതലുകളുമാണ് പ്രോസിക്യൂഷന് കോടതിയില് ഹാജരാക്കിയത്.
2016 ഏപ്രില് 28നാണ് പെരുമ്പാവൂര് കുറുപ്പംപടിയിലെ കനാല്ബണ്ട് പുറമ്പോക്കിലെ അടച്ചുറപ്പില്ലാത്ത വീട്ടില് നിയമവിദ്യാര്ഥിനിയായ ജിഷയെ കൊല്ലപ്പെട്ട നിലയില് കണ്ടെത്തിയത്. ക്രൂരമായ മാനഭംഗത്തിന് ഇരയായ ജിഷയുടെ ആന്തരാവയങ്ങളിലടക്കം ഗുരുതര പരുക്കേറ്റാണ് മരണം സംഭവിച്ചതെന്ന് പിന്നീട് കണ്ടെത്തിയിരുന്നു.
കൊലപാതകം, അതിക്രമിച്ചു കയറല്, വീടിനുള്ളില് അന്യായമായി തടങ്കലിലാക്കല്, കൊലയ്ക്കു ശേഷം തെളിവ് നശിപ്പിക്കല്, ദളിത് പീഡന നിരോധന നിയമത്തിലെ വിവിധ വകുപ്പുകള് എന്നിവ പ്രകാരമുള്ള കുറ്റങ്ങളാണു പ്രതിക്കെതിരെ ചുമത്തിയിട്ടുള്ളത്. അമീറുള് ഇസ്ലാമിന് വധശിക്ഷനല്കണമെന്നാണ് പ്രോസിക്യൂഷനും കൊല്ലപ്പെട്ട ജിഷയുടെ കുടുംബവും ആവശ്യപ്പെടുന്നത്.
പ്രതികരിക്കാൻ ഇവിടെ എഴുതുക: